Kerala
ലക്ഷങ്ങളുടെ ആസ്തിയില്ല, മകള്‍ വിദേശത്തുമല്ല; മറിയക്കുട്ടിക്കെതിരായ വാര്‍ത്തയില്‍ ഖേദപ്രകടനവുമായി സിപിഎം മുഖപത്രം
മറിയക്കുട്ടിക്ക് സ്വന്തമായി ഭൂമിയുണ്ടെന്നും, ഇവരുടെ മകള്‍ പ്രിന്‍സി വിദേശത്താണ് താമസിക്കുന്നതെന്നും വാര്‍ത്ത വരാനിടയായതില്‍ ഖേദിക്കുന്നു എന്നും ദേശാഭിമാനി അറിയിച്ചു.
ഇടുക്കി | സാമൂഹിക പെന്‍ഷന്‍ മുടങ്ങിയതിനെ തുടര്‍ന്ന് യാചനാസമരം നടത്തിയ മറിയക്കുട്ടിക്ക് ലക്ഷങ്ങളുടെ ആസ്തിയുണ്ടെന്ന വാര്‍ത്ത നല്‍കിയ സംഭവത്തില്‍ ഖേദപ്രകടനവുമായി സിപിഎം മുഖപത്രമായ ദേശാഭിമാനി . മറിയക്കുട്ടി താമസിക്കുന്ന വീടും പുരയിടവും ഇളയമകള്‍ പ്രിന്‍സിയുടെ പേരിലുള്ളതാണ്. ഈ മകള്‍ വിദേശത്താണെന്ന രീതിയില്‍ ദേശാഭിമാനിയില്‍ വന്ന വാര്‍ത്ത തെറ്റാണെന്നാണ് പത്രം വ്യക്തമാക്കിയിരിക്കുന്നത്.
മറിയക്കുട്ടിയുടെ സഹോദരി റെയ്ച്ചല്‍ വര്‍ഷങ്ങളായി അമേരിക്കയിലാണ് താമസം. ഇതാണ് തെറ്റിദ്ധരിക്കാന്‍ ഇടയായതെന്നും ദേശാഭിമാനി വിശദീകരിക്കുന്നു. മറിയക്കുട്ടിക്ക് പഴമ്പള്ളിച്ചാലില്‍ ഭൂമി ഉണ്ടായിരുന്നു. എന്നാലിതിന് പട്ടയമില്ലായിരുന്നു. വര്‍ഷങ്ങള്‍ക്ക് മുമ്പ് ഇത് വിറ്റു.ഇപ്പോള്‍ 200 ഏക്കര്‍ എന്ന സ്ഥലത്താണ് മറിയക്കുട്ടിയുടെ താമസം. മറിയക്കുട്ടിക്ക് സ്വന്തമായി ഭൂമിയുണ്ടെന്നും, ഇവരുടെ മകള്‍ പ്രിന്‍സി വിദേശത്താണ് താമസിക്കുന്നതെന്നും വാര്‍ത്ത വരാനിടയായതില്‍ ഖേദിക്കുന്നു എന്നും ദേശാഭിമാനി അറിയിച്ചു.
Latest
നിയന്ത്രണം വിട്ട ജീപ്പ് നിര്‍ത്തിയിട്ട ഓട്ടോകളില്‍ ഇടിച്ചു; നാലുപേര്‍ക്ക് പരുക്ക്
വയനാട് പുനരധിവാസം: ആശങ്ക വേണ്ട, അര്‍ഹതയുള്ള ആരും പട്ടികയില്‍ ഉള്‍പ്പെടാതിരിക്കില്ല: മന്ത്രി രാജന്‍
സി പി എം ഭൂരിപക്ഷ വര്‍ഗീയത ഇളക്കിവിടുന്നു; വിജയരാഘവന്റെ വിവാദ പരാമര്‍ശത്തിനെതിരെ യു ഡി എഫ്
പരീക്ഷാ ചോദ്യപേപ്പര്‍ ചോര്‍ച്ച: ക്രൈം ബ്രാഞ്ച് സംഘം അന്വേഷണം ഊര്‍ജിതമാക്കി
എല്ലാ സാമുദായിക സംഘനടകളുമായും നല്ല ബന്ധം; തിരഞ്ഞെടുപ്പിന് മുമ്പ് പാര്‍ട്ടിയെ ശക്തിപ്പെടുത്തണം; ചെന്നിത്തല
കേരള യുവജന സമ്മേളനം; ഐക്യദാര്‍ഢ്യ സംഗമം പ്രൗഢമായി
