Kerala
പൊതുവഴി വീതി കൂട്ടാന്‍ സ്വകാര്യ മതില്‍ പൊളിച്ച സലാം എം എല്‍ എക്കെതിരെ ജാമ്യമില്ലാ കേസ്
പൊതുമരാമത്ത് എന്‍ജിനീയറും കോണ്‍ട്രാക്ടറുമാണ് രണ്ടും മൂന്നും പ്രതികള്‍
ആലപ്പുഴ | പൊതുവഴി വീതി കൂട്ടുന്നതിന് നോട്ടീസ് നല്‍കിയിട്ടും പൊളിക്കാതിരുന്ന ആലപ്പുഴയിലെ സ്വകാര്യ റിസോര്‍ട്ടിന്റെ മതില്‍ പൊളിച്ച സംഭവത്തില്‍ എച്ച് സലാം എം എല്‍ എയെ ഒന്നാം പ്രതിയാക്കി ജാമ്യമില്ലാ വകുപ്പ് പ്രകാരം കേസ്. പൊതുമരാമത്ത് എന്‍ജിനീയറും കോണ്‍ട്രാക്ടറുമാണ് രണ്ടും മൂന്നും പ്രതികള്‍. ആലപ്പുഴ സൗത്ത് പോലീസാണ് കേസെടുത്തത്.
ഡിസംബര്‍ 28നായിരുന്നു കേസിനാസ്പദമായ സംഭവം. മതില്‍ പൊളിക്കാന്‍ നോട്ടീസ് നല്‍കി ദിവസങ്ങള്‍ കഴിഞ്ഞിട്ടും നടപടിയില്ലാതെ വന്നതോടെ എച്ച് സലാം എം എല്‍ എയുടെ നേതൃത്വത്തില്‍ സ്വകാര്യ റിസോര്‍ട്ടിന്റെ മതില്‍ പൊളിക്കുകയായിരുന്നു. റോഡ് നിര്‍മാണത്തിന് ഫണ്ട് അനുവദിച്ചിട്ടും മതില്‍ പൊളിക്കാത്തതിനാല്‍ നിര്‍മാണം തുടങ്ങാന്‍ സാധിച്ചിരുന്നില്ല. ഇതേത്തുടര്‍ന്നായിരുന്നു ജെ സി ബിയുമായി എത്തി സലാം എം എല്‍ എ മതില്‍ പൊളിച്ചത്.
സംഭവം വിവാദമായതോടെ പ്രതികരണവുമായി എച്ച് സലാം എംഎല്‍എ രംഗത്തെത്തിയിരുന്നു. മതില്‍ പൊളിച്ച് നീക്കണമെന്നാവശ്യപ്പെട്ട് പഞ്ചായത്തും പൊതുമരാമത്ത് വകുപ്പും റിസോര്‍ട്ട് അധികൃതര്‍ക്ക് നോട്ടീസ് നല്‍കിയിരുന്നുവെന്നും എന്നാല്‍ നടപടിയില്ലാതെ വന്നതോടെ മതില്‍
പൊളിക്കുകയായിരുന്നുവെന്നുമായിരുന്നു സലാം എം എല്‍ എയുടെ വിശദീകരണം.
Latest
ഫ്രാന്‍സുമായി സുപ്രധാന കരാറുകളില്‍ ഒപ്പിട്ടു; അമേരിക്കയിലേക്ക് തിരിച്ച് പ്രധാനമന്ത്രി
സൗജന്യ അരിയും പണവും ആളുകളെ മടിയൻമാരാക്കുന്നുവെന്ന് സുപ്രീം കോടതി
സംസ്ഥാനത്ത് മൂന്ന് ആരോഗ്യ സ്ഥാപനങ്ങള്‍ക്ക് കൂടി ദേശീയ ഗുണനിലവാര അംഗീകാരം
ജെ ഇ ഇ മെയിന്‍: ഉന്നത വിജയവുമായി ജാമിഅ മദീനത്തുന്നൂര്‍ വിദ്യാര്‍ഥികള്‍
പൂനൂര്‍ പുഴ കൈയേറി അനധികൃത റോഡ് നിര്‍മാണം
മന്ത്രി പാര്‍ട്ടിയിലേക്ക് മാലയിട്ട് സ്വീകരിച്ച കാപ്പാ കേസ് പ്രതിയെ നാടുകടത്തി
