Mattanur masjid Construction Scam
കൊട്ടക്കണക്കല്ല; വേണ്ടത് ഇനംതിരിച്ച കണക്ക്- കല്ലായിയുടെ അറസ്റ്റില്‍ കെ ടി ജലീല്‍
'കല്ലായാലും ശരി, മണ്ണായാലും ശരി'; സാമ്പത്തിക സുതാര്യനല്ലെങ്കില്‍ മത,രാഷ്ട്രീയ രംഗത്ത് പ്രവര്‍ത്തിക്കാന്‍ യോഗ്യനല്ല
മലപ്പുറം| മട്ടന്നൂര്‍ പള്ളി നിര്‍മാണ അഴിമതിയില്‍ മുസ്ലിം ലീഗ് സംസ്ഥാന സെക്രട്ടറി അബ്ദുറഹ്മാന്‍ കല്ലായിയെ അറസ്റ്റ് ചെയ്ത സംഭവത്തില്‍ പ്രതികരണവുമായി കെ ടി ജലീല്‍. പിരിക്കുന്ന ഓരോ പൈസക്കും പടച്ചവനോട് മറുപടി പറയാന്‍ ബാധ്യസ്ഥരായവരില്‍ നിന്ന് അതീവ കുറ്റകരമായ അനാസ്ഥ പ്രകടമാകുന്നത് ഭൂഷണമല്ലെന്ന് ജലീല്‍ ഫേസ്ബുക്ക് പോസ്റ്റില്‍ പറഞ്ഞു.
പള്ളി ഉള്‍പ്പടെ മതസ്ഥാപനങ്ങളുടെ നേതൃനിരയിലെ പ്രമുഖരില്‍ അധികവും രാഷ്ട്രീയ പാര്‍ട്ടികളുടെ മുന്‍പന്തിയിലുള്ളവരാണ്. ഭീമമായ സംഖ്യയാണ് സമുദായ സ്‌നേഹികള്‍ മതസ്ഥാപനങ്ങള്‍ക്ക് സംഭാവന ചെയ്യുന്നത്. അതൊക്കെ കൃത്യതയോടെ ചെലവിടാന്‍ ചുമതലപ്പെട്ടവര്‍ അക്കാര്യത്തില്‍ അതീവ ലാഘവത്വം കാണിക്കുന്നത് നൂറ്റാണ്ടുകള്‍ പാപമോചനത്തിനര്‍ത്തിച്ചാലും പൊറുക്കപ്പെടാത്ത കുറ്റമാണ്.
സാമ്പത്തിക ക്രയവിക്രയങ്ങളില്‍ സത്യസന്ധത അതിന്റെ പൂര്‍ണാര്‍ഥത്തില്‍ പാലിക്കാന്‍ വിശ്വാസപരമായി ബാധ്യതപ്പെട്ടവരാണ് മുസ്ലിം സമുദായം. അല്ലാത്ത പക്ഷം എത്ര വലിയ ആചാരാനുഷ്ഠാനക്കാരനാണെങ്കിലും നരകം ഉറപ്പെന്നാണ് പ്രവാചകന്‍ ഉത്ബാധിപ്പിച്ചത്. പള്ളി നിര്‍മാണവുമായി ബന്ധപ്പെട്ട അഴിമതിക്കഥകളും അറസ്റ്റുമൊക്കെ ഇതോടൊപ്പം ചേര്‍ത്ത് വായിക്കാനേ സമുദായ സ്‌നേഹികള്‍ക്കാവൂ.
യഥാര്‍ഥ ഭക്തരുടെ കൈകളിലാണ് സമുദായ സ്ഥാപനങ്ങള്‍ എത്തിപ്പെടേണ്ടത്. അല്ലാതെ അഴിമതിക്കാരുടെയും ‘തനി’കച്ചവടക്കാരുടെയും കൈകളിലല്ല.
സാമ്പത്തിക കാര്യങ്ങളില്‍ സുതാര്യനല്ലാത്ത ഒരാള്‍ മത-രാഷ്ട്രീയ -പൊതുപ്രവര്‍ത്തന-സേവന രംഗങ്ങളില്‍ പ്രവര്‍ത്തിക്കാന്‍ യോഗ്യനല്ല. അത് കല്ലായാലും ശരി, മണ്ണായാലും ശരിയെന്നും ജലീല്‍ കൂട്ടിച്ചേര്‍ത്തു.
ജലീലിന്‍റെ ഫേസ്ബുക്ക് പോസ്റ്റിന്‍റെ പൂര്‍ണരൂപം
Latest
വയനാട് ദുരന്തം: കേന്ദ്ര അവഗണനക്കെതിരെ ചൊവ്വാഴ്ച ജില്ലയില്‍ യു ഡി എഫ് ഹര്‍ത്താല്‍
മണ്ഡലകാല പൂജ; ശബരിമല നട തുറന്നു
വയനാട് ദുരന്തം: കേന്ദ്ര അവഗണനക്കെതിരെ സി പി ഐ നവംബര്‍ 21ന് പ്രതിഷേധ മാര്‍ച്ചുകള്‍ സംഘടിപ്പിക്കും
2018ല്‍ പാലക്കാട് വീട് വാങ്ങി; ഈ വീടിന്റെ പേരില്‍ വോട്ടര്‍ ഐ ഡിക്ക് അപേക്ഷിച്ചാല്‍ എന്താണ് തെറ്റെന്ന് സരിന്‍
പ്രധാനമന്ത്രിയുടെ വിമാനത്തിന് സാങ്കേതികത്തകരാര്‍; ഡല്‍ഹിയിലേക്കുള്ള തിരിച്ചുപോക്ക് വൈകും
വയനാട് കേന്ദ്രസഹായം: കെ വി തോമസ് പാര്‍ട്ടിക്കൊപ്പം തലച്ചോറും മാറിയോയെന്ന് വി മുരളീധരന്‍
