തന്നെക്കുറിച്ച് അങ്ങിനെ പറയില്ല, ഡിസി ബുക്‌സിനെ ആരോ തെറ്റിദ്ധരിപ്പിച്ചിട്ടുണ്ട്; ഇപി ജയരാജനെ പിന്തുണച്ച് പി വി അന്‍വര്‍ എംഎല്‍എ

തൃശൂര്‍ |  ആത്മകഥാ വിവാദത്തില്‍ ഇ പി ജയരാജനെ പിന്തുണയുമായി പി വി അന്‍വര്‍ എംഎല്‍എ. മനുഷ്യപ്പറ്റുള്ള കമ്യൂണിസ്റ്റാണ് ഇപിയെന്നും ഡിസി ബുക്‌സ് പുറത്തുവിട്ട കാര്യങ്ങളില്‍ തനിക്ക് സംശയമുണ്ടെന്നും പി വി അന്‍വര്‍ പറഞ്ഞു.

ഇപിയുമായി സംസാരിച്ച വ്യക്തിയാണ് താന്‍.തന്നെക്കുറിച്ച് ഇപി അങ്ങിനെ പറയുമെന്ന് തനിക്ക് അഭിപ്രായമില്ല. ഡിസി ബുക്‌സിനെ ആരോ തെറ്റിദ്ധരിപ്പിച്ചിട്ടുണ്ട്. പി ശശിയും മുഖ്യമന്ത്രിയുടെ ഓഫീസുമാണോ അതിനു പിന്നിലെന്ന് ഇപിയാണ് പരിശോധിക്കേണ്ടത്.

ഇ പി ഒരു സാധുമനുഷ്യനാണ്. അദ്ദേഹത്തെ പിണറായി ഒതുക്കുന്നത് മരുമകനെ മുഖ്യമന്ത്രിയാക്കാനാണ്. തിരഞ്ഞെടുപ്പിന്റെ അടിസ്ഥാനത്തില്‍ നടക്കുന്ന ഒരു ഗൂഢാലോചനയാണിതെന്നും അന്‍വര്‍ ആരോപിച്ചു