സത്യപ്രതിജ്ഞാ ചടങ്ങിലേക്കില്ല; ആ സമയം ഇന്ത്യ പാക് ക്രിക്കറ്റ് മത്സരം കാണും : ശശി തരൂര്‍

ന്യൂഡല്‍ഹി | മൂന്നാം നരേന്ദ്രമോദി സര്‍ക്കാറിന്റെ സത്യപ്രതിജ്ഞാ ചടങ്ങ് നടക്കുമ്പോള്‍ ഇന്ത്യ-പാക് ക്രിക്കറ്റ് മത്സരം കാണുമെന്ന് കോണ്‍ഗ്രസ് നേതാവ് ശശി തരൂര്‍. കോണ്‍ഗ്രസ് പ്രവര്‍ത്തക സമിതി യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

എന്നെ സത്യപ്രതിജ്ഞയിലേക്ക് ക്ഷണിച്ചിട്ടില്ല. അതുകൊണ്ടു തന്നെ അന്നേരം ഇന്ത്യ-പാകിസ്താന്‍ ക്രിക്കറ്റ് മത്സരം കാണുമെന്നാണ് ശശി തരൂര്‍ മാധ്യമങ്ങളോട് പറഞ്ഞത്.
ഞായറാഴ്ച വൈകിട്ട് ഏഴേ കാലിനാണ് മൂന്നാം മോദി മന്ത്രിസഭയുടെ സത്യപ്രതിജ്ഞാ ചടങ്ങുകള്‍ ആരംഭിക്കുന്നത്. എട്ടു മണി മുതലാണ് ടി20 ലോകകപ്പിലെ ഇന്ത്യ-പാകിസ്താന്‍ മത്സരം.