International
ഒന്നും രണ്ടുമല്ല; ട്രംപിനായി മസ്‌ക്‌ ചെലവിട്ടത്‌ 630 കോടിയിലധികം
പ്രസിഡൻ്റ് തെരഞ്ഞെടുപ്പ്‌ പ്രഖ്യാപിച്ചതു മുതൽ ട്രംപിനായി മസ്‌ക്‌ പരസ്യമായി രംഗത്തുണ്ട്‌.
വാഷിങ്‌ടൺ | നവംബറിൽ നടക്കാനിരിക്കുന്ന അമേരിക്കൻ പ്രസിഡൻ്റ് തെരഞ്ഞെടുപ്പിന്‌ പോരാട്ടം മുറുകുമ്പോൾ റിപ്പബ്ലിക്കൻ സ്ഥാനാർഥി ഡോണാൾഡ്‌ ട്രംപിനായി ശതകോടീശ്വരൻ ഇലോൺ മസ്‌ക്‌ ചെലവിട്ടത്‌ 75 മില്യൺ ഡോളറിൽ അധികമെന്ന്‌ റിപ്പോർട്ട്‌. ഇത്‌ ഇന്ത്യൻ രൂപയിൽ 630 കോടിയിലധികം വരും. ട്രംപിൻ്റെ പ്രചാരണത്തിനായാണ്‌ മസ്‌ക്‌ ഈ തുക ചെലവിട്ടത്‌.
പ്രസിഡൻ്റ് തെരഞ്ഞെടുപ്പ്‌ പ്രഖ്യാപിച്ചതു മുതൽ ട്രംപിനായി മസ്‌ക്‌ പരസ്യമായി രംഗത്തുണ്ട്‌. ഇതിനകം ചില പ്രചാരണ യോഗങ്ങളിൽ ട്രംപിനൊപ്പം പങ്കെടുക്കുകയും ചെയ്‌തു. ട്രംപിൻ്റെ യുഎസ് പ്രസിഡൻഷ്യൽ കാമ്പെയ്‌നിനെ പിന്തുണയ്ക്കുന്നതിനായി മസ്‌ക്‌ രൂപീകരിച്ച പൊളിറ്റിക്കൽ ആക്ഷൻ കമ്മിറ്റിക്ക് സംഭാവനയായി മാത്രം മസ്‌ക്‌ നൽകിയ തുകയാണ്‌ ഇപ്പോൾ പുറത്തുവന്നിരിക്കുന്നത്‌.
അടുത്തിടെ പെൻസിൽവാനിയയിൽ നടന്ന ഒരു റാലിയിൽ വേദിയിൽ ട്രംപിനൊപ്പം വന്ന ടെസ്‌ല സിഇഒ എതിരാളിയായ ഡെമോക്രാറ്റ് സ്ഥാനാർത്ഥി കമലാ ഹാരിസിനെ ആക്ഷേപിക്കുകയും ചെയ്‌തിരുന്നു. കമലാ ഹാരിസ്‌ വിജയിച്ചാൽ താൻ ജയിലിൽ കിടക്കേണ്ടി വരുമെന്നും മസ്‌ക്‌ ഒരു ചാനൽചർച്ചയിൽ പറയുകയുണ്ടായി.
Latest
പഠനകാര്യങ്ങള്‍ സാമൂഹികമാധ്യമങ്ങള്‍ വഴി നല്‍കുന്നത് വിലക്കി പൊതുവിദ്യാഭ്യാസ വകുപ്പ്
മുകേഷ് അടക്കം ഏഴ് പേര്‍ക്കെതിരായ ലൈംഗികാതിക്രമ പരാതി പിന്‍വലിക്കുകയാണെന്ന് നടി; അന്വേഷണ സംഘത്തിന് ഇ മെയില്‍ അയക്കും
തൃശൂരില്‍ ട്രെയിന്‍ ഇടിച്ച് സ്ത്രീ മരിച്ചു; രണ്ട് പേര്‍ക്ക് പരുക്ക്
തന്‍വീര്‍ മേളയുടെ മുന്നോടിയായി 1971 പ്രദര്‍ശനം
പുനരുപയോഗ ഊര്‍ജത്തിന് യു എ ഇ - ഈജിപ്ത് ധാരണ
വയനാട് ദുരന്തത്തില്‍ സ്വമേധയാ എടുത്ത കേസ് ഹൈക്കോടതി ഇന്ന് വീണ്ടും പരിഗണിക്കും
