പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസ്; ഒരാള്‍ കൂടി പിടിയില്‍

അടൂര്‍ |  പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ ഒരാള്‍ കൂടി പിടിയില്‍. സംഭവം നടക്കുമ്പോള്‍ പ്രായപൂര്‍ത്തിയാകാത്ത യുവാവിനെയാണ് അടൂര്‍ പോലീസ് പിടികൂടിയത്. നിലവില്‍ ഇയാള്‍ക്ക് പ്രായപൂര്‍ത്തിയായിട്ടുണ്ടെങ്കിലും സംഭവസമയത്തെ പ്രായം പരിഗണിച്ച് ജുവനൈല്‍ ബോര്‍ഡിനു മുന്‍പാകെയാണ് ഹാജരാക്കിയത്. ഇതോടെ അടൂര്‍ പോലീസ് എടുത്ത എട്ടു കേസുകളില്‍ ആറു പേരും നൂറനാട് പോലീസ് എടുത്ത കേസില്‍ ഒരാളും അറസ്റ്റിലായിട്ടുണ്ട്.

ഇനി രണ്ടു പേര്‍ പിടിയിലാകാനുണ്ടെന്ന് പോലീസ് പറഞ്ഞു. കേസില്‍ ആകെ ഒന്‍മ്പത് പ്രതികളാണുള്ളത്.