രാജ്യത്ത് സവാള കയറ്റുമതി നിരോധനം നീട്ടി

ന്യൂഡല്‍ഹി  | സവാളയുടെ കയറ്റുമതി നിരോധനം ദീര്‍ഘിപ്പിച്ച് കേന്ദ്രസര്‍ക്കാര്‍. നേരത്തെ ഈ മാസം 31 വരെയാണ് നിരോധനം ഏര്‍പ്പെടുത്തിയിരുന്നത്. ആഭ്യന്തര ലഭ്യത വര്‍ധിപ്പിക്കുന്നതിനും വില പിടിച്ചുനിര്‍ത്തുന്നതിനുമായി ഏര്‍പ്പെടുത്തിയ നിരോധനം ഇനിയൊരു അറിയിപ്പുണ്ടാകുന്നത് വരെ നീട്ടിയതായിഡയറക്ടറേറ്റ് ജനറല്‍ ഓഫ് ഫോറിന്‍ ട്രേഡ് അറിയിച്ചു.

സവാളയുടെ വില അനിയന്ത്രിതമായി വര്‍ധിച്ചതിനെ തുടര്‍ന്ന് 2023 ഡിസംബര്‍ 8 നാണ് കേന്ദ്ര സര്‍ക്കാര്‍ സവാള കയറ്റുമതി നിരോധിച്ചത്. ഇതിനിടെ നാഷണല്‍ കോഓപ്പറേറ്റീവ് എക്സ്പോര്‍ട്ട് ലിമിറ്റഡ് വഴി യുഎഇയിലേക്കും ബംഗ്ലാദേശിലേക്കും 64,400 ടണ്‍ സവാള കയറ്റുമതി ചെയ്യാന്‍ സര്‍ക്കാര്‍ പ്രത്യേക അനുമതി നല്‍കിയിട്ടുണ്ട്.