അഞ്ചു രൂപയുടെ രണ്ട് കോയിൻ വെച്ചാലുള്ള കനം മാത്രം; ഓപ്പോ ഫൈൻഡ് എൻ 5 വരുന്നു

ബംഗളൂരു | ഓപ്പോയുടെ ഏറ്റവും കനം കുറഞ്ഞ ഫോൺ അടുത്തമാസം വിപണിയിൽ എത്തിയേക്കും. ഓപ്പോ ഫൈൻഡ് എൻ 5 എന്ന ഫോൾഡബിൾ മോഡലാണ് പുറത്തിറങ്ങുന്നത്. ഫോണിന്റെ ടീസർ ഓപ്പോ പുറത്തുവിട്ടു. 4 എംഎം കനമാണ് ഫോണിന്റെ ഹൈലൈറ്റ്. അതായത് അഞ്ചു രൂപയുടെ രണ്ട് കോയിന്റെ കനം മാത്രമേ ഫോണിന് വരുന്നുള്ളൂ എന്ന് ചുരുക്കം.

ആപ്പിൾ ഐപാഡ് ബ്രോ എം4 മായി താരതമ്യം ചെയ്തുള്ള ടീസർ ചിത്രമാണ് ഓപ്പോ ഇപ്പോൾ പുറത്തുവിട്ടിരിക്കുന്നത്. എന്നാൽ ഫോണിന്റെ മറ്റ് അളവുകൾ കമ്പനി പുറത്തുവിട്ടിട്ടില്ല.Oppo Find N5 ലോഞ്ച് ഫെബ്രുവരിയിൽ നടക്കും. 50W വയർലെസ് ചാർജിംഗ് പിന്തുണയോടെയാണ് ഇത് വരുന്നത്, കൂടാതെ ജല പ്രതിരോധത്തിന് IPX9 റേറ്റിംഗ് ഉണ്ടായിരിക്കും.

വൺപ്ലസ് ഓപ്പൺ 2 എന്ന പേരിൽ ഫോൺ ആഗോള വിപണിയിൽ അവതരിപ്പിക്കുമെന്നാണ് സൂചന.ഓപ്പോ നേരത്തെ ഫൈൻഡ് എൻ5 നെ ഐഫോൺ 16 പ്രോ മാക്സുമായി താരതമ്യം ചെയ്തിരുന്നു.ലോകത്തിലെ ഏറ്റവും കനം കുറഞ്ഞ ഫോൾഡബിൾ ഫോൺ ആയി ഇത് വരുമെന്ന് കമ്പനിയുടെ ചീഫ് പ്രൊഡക്റ്റ് ഓഫീസർ പീറ്റ് ലോ അടുത്തിടെ അവകാശപ്പെട്ടു.

Oppo Find N5-ൽ 2K റെസല്യൂഷനോട് കൂടിയ 6.85 ഇഞ്ച് LTPO ഡിസ്‌പ്ലേ ഉണ്ടായിരിക്കുമെന്ന് പ്രതീക്ഷിക്കുന്നു.ഇത് സ്‌നാപ്ഡ്രാഗൺ 8 എലൈറ്റ് ചിപ്‌സെറ്റിൽ പ്രവർത്തിക്കും. ചിപ്‌സെറ്റ് ഉപയോഗിക്കുന്ന ആദ്യത്തെ മടക്കാവുന്ന ഒന്നായിരിക്കും ഇത്. 6,000എംഎഎച്ച് ബാറ്ററിയും പെരിസ്‌കോപ്പ് ഷൂട്ടർ ഉൾപ്പെടെ ഹാസൽബ്ലാഡ് പിന്തുണയുള്ള ട്രിപ്പിൾ റിയർ ക്യാമറ യൂണിറ്റും ഇതിലുണ്ട്. ഫോണിന് 80W വയർഡ് ഫാസ്റ്റ് ചാർജിംഗും സാറ്റലൈറ്റ് കണക്റ്റിവിറ്റി പിന്തുണയും വാഗ്ദാനം ചെയ്യുന്നു.