സ്റ്റേജ് ഫിയർ  മറികടക്കാം ഈ നുറുങ്ങുകളിലൂടെ...

വീട്ടിലൊക്കെ വാതോരാതെ സംസാരിക്കുമെങ്കിലും കൂട്ടുകാർക്കിടയിൽ ടോക്കിങ് ടോം ആണെങ്കിലും വേദിയിൽ കയറിയാൽ അല്ലെങ്കിൽ ഒരു പൊതു സ്ഥലത്ത് സംസാരിക്കാൻ മടിയുള്ളവരാണ് ഏറെ പേരും. നേരിയ പരിഭ്രാന്തി മുതൽ കടുത്ത ഉത്കണ്ഠ വരെ ഈ സമയത്ത് നമുക്ക് ഉണ്ടായേക്കാം. ഇത് മറികടക്കാൻ ചിലവഴികൾ പരിചയപ്പെടാം.

സംസാരിക്കുന്ന വിഷയത്തെക്കുറിച്ച് നന്നായി അറിയുക

• നിങ്ങളുടെ വിഷയം നന്നായി അറിയുന്നത് നിങ്ങളുടെ ആത്മവിശ്വാസം വർദ്ധിപ്പിക്കുകയും തെറ്റുകൾ വരുത്താനുള്ള സാധ്യത കുറയ്ക്കുകയും ചെയ്യും.

ആസൂത്രണം ചെയ്യുക

• ദൃശ്യ സഹായികൾ ഉപയോഗിച്ചും മറ്റു പരിശീലനങ്ങളിലൂടെയും നിങ്ങളുടെ പ്രസന്റേഷൻ അല്ലെങ്കിൽ പ്രസംഗം ,സംസാരം എന്നിവ നേരത്തെ ക്രമീകരിക്കുന്നത് നല്ലതാണ്.

പരിശീലനം

• നിങ്ങൾക്ക് ഭയമില്ലാത്ത ആളുകളുടെ മുന്നിൽ ഒരുപാട് നേരം കാര്യങ്ങൾ പ്രസന്റ് ചെയ്തും പ്രസംഗിച്ചുമെല്ലാം പരിശീലിക്കുന്നത് സ്റ്റേജ് ഫിയറിനെ മറികടക്കാൻ നല്ലതാണ്.

വിജയം ദൃശ്യവൽക്കരിക്കുക

• വിജയം ദൃശ്യവൽക്കരിക്കുന്നതും പോസിറ്റീവ് ചിന്തകൾ നിലനിർത്തുന്നതും സ്റ്റേജ് ഫിയർ കുറയ്ക്കാൻ സഹായിക്കും.

ശ്വസന വ്യായാമങ്ങൾ

• സംസാരിക്കുന്നതിനു മുൻപും ശേഷവും ആഴത്തിലുള്ള ശ്വസന വ്യായാമങ്ങൾ ചെയ്യുന്നത് നിങ്ങളുടെ ഞരമ്പിനെ ശാന്തമാക്കാൻ സഹായിക്കും.

കണ്ടന്റിൽ ശ്രദ്ധ കേന്ദ്രീകരിക്കുക

• പ്രേക്ഷകരിൽ ശ്രദ്ധ കേന്ദ്രീകരിക്കുന്നതിന് പകരം നിങ്ങളുടെ ഉള്ളടക്കത്തിൽ ശ്രദ്ധ കേന്ദ്രീകരിക്കുന്നത് ആത്മവിശ്വാസം വർദ്ധിപ്പിക്കുന്നു.

ചെറിയ ഇടവേളകൾ

• സംസാരത്തിനിടയിൽ ചെറിയ ഇടവേളകൾ സാധാരണമാണെന്ന് അംഗീകരിക്കുകയും നിശബ്ദതയെ ഭയപ്പെടാതിരിക്കാൻ പരിശീലിക്കുകയും വേണം.

നന്നായി ഒരുങ്ങുക

• ശരീരം നല്ല രീതിയിൽ നിലനിർത്തുന്നതിനും നന്നായി ഒരുങ്ങുന്നതിനും നിങ്ങളുടെ ആത്മവിശ്വാസം വർദ്ധിപ്പിക്കുന്നതിൽ വലിയ പങ്കുവഹിക്കാൻ ആകും.

ഇനി വേദിയിൽ കയറുന്നതിനു മുൻപ് അല്ലെങ്കിൽ പൊതു ഇടത്തിൽ ഒരു കാര്യം അവതരിപ്പിക്കുന്നതിനു മുൻപ് ഇക്കാര്യങ്ങൾ മനസ്സിൽ വച്ചോളൂ.