ബ്യൂട്ടിപാര്‍ലറിലെത്തിയ പെണ്‍കുട്ടിയെ ഉപദ്രവിച്ച പാര്‍ലര്‍ ഉടമ അറസ്റ്റില്‍

പിറവം | പിതാവിനോടൊപ്പം ബ്യൂട്ടിപാര്‍ലറിലെത്തിയ പ്രായപൂര്‍ത്തിയാകാത്ത പെണ്‍കുട്ടിയെ ഉപദ്രവിച്ച കേസില്‍ പാര്‍ലര്‍ ഉടമ അറസ്റ്റില്‍. പിറവം പാഴൂര്‍ ദേവീപ്പടിക്കടുത്ത് ബ്യൂട്ടിപാര്‍ലര്‍ നടത്തുന്ന പാഴൂര്‍ മാനവീയത്തില്‍ മുത്തു (38) വാണ് അറസ്റ്റിലായത്. ബ്യൂട്ടിപാര്‍ലറില്‍ സ്ത്രീ ജീവനക്കാരുണ്ടെന്നു കരുതിയാണ് കുട്ടി അച്ഛനോടൊപ്പം പാര്‍ലറില്‍ എത്തിയത്.എന്നാല്‍ പാര്‍ലറില്‍ സ്ത്രീകളുണ്ടായിരുന്നില്ല. കുട്ടിയെ പാര്‍ലറിന് അകത്തേക്ക് കൂട്ടിക്കൊണ്ടുപോയ ശേഷം പ്രതി ഉപദ്രവിച്ചെന്നാണ് പരാതി.

കുട്ടി വീട്ടിലെത്തി വിവരം രക്ഷിതാക്കളോട് പറഞ്ഞു. തുടര്‍ന്ന് പെണ്‍കുട്ടി പഠിക്കുന്ന സ്‌കൂള്‍ അധികൃതരാണ് വിവരം പോലീസില്‍ അറിയിച്ചത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.