പാർട്ടി കോൺഗ്രസ് പിണറായിയുടെ തിരക്കഥ അനുസരിച്ചുള്ള കോൺഗ്രസ് വിരുദ്ധ സമ്മേളനം

പിണറായി വിജയന്റെ തിരക്കഥക്ക് അനുസരിച്ച് നടന്ന ഒരു കോൺഗ്രസ് വിരുദ്ധ സമ്മേളനം മാത്രമായിരുന്നു സി പി എമ്മിന്റെ ഇരുപത്തിമൂന്നാം പാർട്ടി കോൺഗ്രസെന്ന് പരിഹസിച്ച് കോൺഗ്രസ് നേതാവ് പത്മജ വേണുഗോപാൽ. രാജ്യത്ത് ദുർഭരണം നടപ്പാക്കുന്ന നരേന്ദ്ര മോദി സർക്കാറിനെ കാര്യമായി വിമർശിക്കാതെ നല്ലൊരു സമയവും കോൺഗ്രസ് വിരുദ്ധ ചർച്ചകൾക്കാണ് വിനിയോഗിച്ചത്. ബി ജെ പിയെ നേരിടാൻ കോൺഗ്രസ് ശക്തമല്ല എന്ന സി പി എമ്മിന്റെ സ്ഥിരം പല്ലവി കേരളത്തിലെ ന്യൂനപക്ഷ വോട്ടുകൾ എൽ ഡി എഫിലേക്ക് ആകർഷിക്കാനുള്ള ഒരു ഗൂഢതന്ത്രം മാത്രമാണ്. നാല് ദിവസം നീണ്ടുനിന്ന ആർഭാടം നിറഞ്ഞ പാർട്ടി കോൺഗ്രസിൽ കോൺഗ്രസ് വിരുദ്ധ ചർച്ചകളും പിണറായി സ്തുതികളും മാത്രമാണ് കാണാൻ കഴിഞ്ഞത്. മുഖ്യമന്ത്രി പിണറായി വിജയന്റെ പ്രസംഗത്തിൽ ബി ജെ പിക്കെതിരെ ഒരു പരാമർശവും കണ്ടില്ല. കെ റയിൽ നടപ്പാക്കാനുള്ള വ്യഗ്രത കൊണ്ട് നരേന്ദ്ര മോദിയെ വിമർശിക്കാൻ അദ്ദേഹത്തിന് കഴിയില്ലെന്നും പത്മജ ഫേസ്ബുക്കിൽ കുറിച്ചു. പോസ്റ്റ് പൂർണരൂപത്തിൽ:

CPM 23ആം പാർട്ടി കോൺഗ്രസ് രാജ്യത്ത് ദുർ ഭരണം നടപ്പാക്കുന്ന നരേന്ദ്ര മോദി സർക്കാരിനെ കാര്യമായി വിമർശിക്കാതെ നല്ലൊരു സമയവും കോൺഗ്രസ് വിരുദ്ധ ചർച്ചകൾക്കാണ് വിനിയോഗിച്ചത്.. ദേശീയ രാഷ്ട്രീയത്തിൽ കോൺഗ്രസിന്റെ മുഖ്യശത്രു ബിജെപിയാണ്.. കോൺഗ്രസ് ദേശീയ തലത്തിൽ ചേരുന്ന യോഗങ്ങളിൽ ബിജെപിക്കെതിരെ ആണ്