Kerala
പത്തനംതിട്ട മുറഞ്ഞകല്ല് അപകടം; നവ ദമ്പതികളുടേയും അച്ഛന്‍മാരുടേയും സംസ്‌കാരം ഇന്ന്
വീടുകളില്‍ അന്ത്യാജ്ഞലി അര്‍പ്പിക്കാന്‍ നാടുമുഴുവന്‍
പത്തനംതിട്ട | മുറിഞ്ഞകല്ലില്‍ ഞായറാഴ്ച പുലര്‍ച്ചെ ഉണ്ടായ വാഹനാപകടത്തില്‍ മരിച്ച നാലുപേരുടെ സംസ്‌കാരം ഇന്ന് നടക്കും. രാവിലെ എട്ടുമണി മുതല്‍ പൂങ്കാവ് സെന്റ് മേരീസ് കത്തോലിക്ക പള്ളിയില്‍ മൃതദേഹം പൊതുദര്‍ശനത്തിന് വയ്ക്കും.
ഉച്ചയ്ക്ക് പന്ത്രണ്ടരയോടെയാണ് സംസ്‌കാരം. നവദമ്പതിമാരായ നിഖിലും അനുവും ഇരുവരുടെയും അച്ഛന്മാരുമാണ് അപകടത്തില്‍ മരിച്ചത്. മധുവിധു കഴിഞ്ഞ് മലേഷ്യയില്‍ നിന്നു മടങ്ങിയെത്തിയ ദമ്പതിമാരെ വിമാനത്താവളത്തില്‍ നിന്ന് കൂട്ടിക്കൊണ്ട് വരും വഴി ശബരിമല തീര്‍ഥാടകരുടെ ബസ്സില്‍ കാര്‍ ഇടിച്ചുകയറിയായിരുന്നു അപകടം.
ആദ്യം നിഖിലിന്റെ വീട്ടില്‍ എത്തിച്ച ദമ്പതികളുടെ മൃതദേഹങ്ങള്‍ പിന്നീട് അനുവിന്റെ വീട്ടിലും എത്തിച്ചു. തുടര്‍ന്നാണ് നാലു മൃതദേഹങ്ങളും പള്ളിയിലേക്ക് കൊണ്ടുപോകുന്നത്. വിവാഹ ചടങ്ങിലെത്തി വധൂ വരന്മാരെ ആശിര്‍വദിച്ചവര്‍ തന്നെയാണ് ദിവസങ്ങള്‍ക്കു ശേഷം അന്ത്യയാത്രാ മൊഴിയേകാനും എത്തിയത്. നീണ്ടനാളത്തെ പ്രണയത്തിനു ശേഷം വിവാഹിതരായ നിഖിലും അനുവും അവരുടെ അച്ഛന്‍മാരും നാട്ടുകാര്‍ക്ക് സുപരിചിതരായിരുന്നു. ഈ മരണത്തിന്റെ ആഘാതത്തില്‍ നിന്ന് നാട് മുക്തമായിട്ടില്ല.
Latest
അപൂര്‍വ കയ്യെഴുത്ത് പ്രതികളും പുരാലിഖിതങ്ങളും സംരക്ഷിക്കാന്‍ പുതിയ സാങ്കേതിക വിദ്യ
ചരിത്ര അറബി നിഘണ്ടുവിന് ഗിന്നസ് വേള്‍ഡ് റെക്കോര്‍ഡ്; ഷാര്‍ജ ഭരണാധികാരി ഏറ്റുവാങ്ങി
മുംബൈ ബോട്ട് അപകടത്തില്‍ നിന്ന് മലയാളി ആറുവയസ്സുകാരന്‍ രക്ഷപ്പെട്ടു; മാതാപിതാക്കളെ കാണാനില്ലെന്ന് കുട്ടി
വയനാട് അമ്പലവയലില്‍ അനധികൃതമായി പ്രവര്‍ത്തിക്കുന്ന ഏഴ് റിസോര്‍ട്ടുകള്‍ പൊളിക്കണം; സബ് കലക്ടര്‍ ഉത്തരവിറക്കി
പത്താം ക്ലാസ് ചോദ്യപേപ്പര്‍ ചോര്‍ച്ച: ക്രൈംബ്രാഞ്ച് അന്വേഷണം എയ്ഡഡ് സ്‌കൂള്‍ അധ്യാപകരിലേക്കും
സാമൂഹ്യ സുരക്ഷ പെന്‍ഷന്‍ തട്ടിയെടുത്ത സര്‍ക്കാര്‍ ജീവനക്കാര്‍ക്കെതിരെ നടപടി തുടങ്ങി
