ജ്വല്ലറിയില്‍ പട്ടാപ്പകല്‍ കവര്‍ച്ച; 21,000 രൂപ മോഷ്ടിച്ചത് വിദ്യാര്‍ഥിയുടെ യൂണിഫോം ധരിച്ചെത്തിയ യുവതി

തിരുവനന്തപുരം | നെയ്യാറ്റിന്‍കരയിലെ ജ്വല്ലറിയില്‍ പട്ടാപ്പകല്‍ കവര്‍ച്ച. 21,000 രൂപയാണ് ബസ് സ്റ്റാന്‍ഡിനു സമീപത്തെ ജ്വല്ലറിയില്‍ നിന്ന് കവര്‍ന്നത്. വിദ്യാര്‍ഥിയുടെ യൂണിഫോം ധരിച്ചെത്തിയ യുവതിയാണ് പണം മോഷ്ടിച്ചത്.

ജ്വല്ലറിയുടെ കൗണ്ടറില്‍ നിന്നും യുവതി ഒരു കെട്ട് നോട്ട് വലിച്ചെടുക്കുന്നതിന്റെ സിസിടിവി ദൃശ്യങ്ങള്‍ പോലീസിന് ലഭിച്ചിട്ടുണ്ട്. ജ്വല്ലറി ഉടമ ഉറങ്ങിപ്പോയ സമയത്താണ് കവര്‍ച്ച. നെയ്യാറ്റിന്‍കര പോലീസ് കേസെടുത്ത് അന്വേഷണം തുടങ്ങി.