Kerala
പി സി ജോര്‍ജിന് ശാരീരികാസ്വാസ്ഥ്യം; ആശുപത്രിയില്‍ ഒരു മണിക്കൂര്‍ നിരീക്ഷണം
അറസ്റ്റിനു ശേഷം എറണാകുളം ജനറല്‍ ആശുപത്രിയില്‍ വൈദ്യപരിശോധനക്ക് ഹാജരാക്കിയപ്പോഴാണ് രക്തസമ്മര്‍ദത്തില്‍ വ്യതിയാനം അനുഭവപ്പെട്ടത്.
കൊച്ചി | വിദ്വേഷ പ്രസംഗക്കേസില്‍ അറസ്റ്റിലായ പി സി ജോര്‍ജിന് ശാരീരികാസ്വാസ്ഥ്യം. അറസ്റ്റിനു ശേഷം എറണാകുളം ജനറല്‍ ആശുപത്രിയില്‍ വൈദ്യപരിശോധനക്ക് ഹാജരാക്കിയപ്പോഴാണ് രക്തസമ്മര്‍ദത്തില്‍ വ്യതിയാനം അനുഭവപ്പെട്ടത്. ഇതോടെ ഒരു മണിക്കൂര്‍ നിരീക്ഷണം ആവശ്യമാണെന്ന് ഡോക്ടര്‍മാര്‍ വ്യക്തമാക്കി.
പാലാരിവട്ടം സ്റ്റേഷനില്‍ ഹാജരായ ജോര്‍ജിനെ ഡി സി പിയുടെ വാഹനത്തില്‍ സിറ്റി എ ആര്‍ ക്യാമ്പിലേക്ക് മാറ്റിയിരുന്നു. തിരുവനന്തപുരം കേസില്‍ ജാമ്യം റദ്ദാക്കിയതിനെ തുടര്‍ന്നായിരുന്നു നടപടി. വെണ്ണല കേസില്‍ മൊഴി എടുക്കാനാണ് പി സിയെ കൊണ്ടുപോയത്. പിന്നീട് അദ്ദേഹവുമായി പോലീസ് സംഘം തിരുവനന്തപുരത്തേക്ക് തിരിച്ചു.
നാളെ ഹൈക്കോടതിയെ സമീപിക്കും
കിഴക്കേക്കോട്ട വിദ്വേഷ പ്രസംഗക്കേസില്‍ ജാമ്യം റദ്ദാക്കിയതിനെതിരെ പി സി ജോര്‍ജ് നാളെ ഹൈക്കോടതിയെ സമീപിക്കും. ജാമ്യം റദ്ദാക്കിയ തിരുവനന്തപുരം മജിസ്‌ട്രേറ്റ് കോടതി ഉത്തരവിനെതിരെയാണ് നാളെ ഹൈക്കോടതിയില്‍ ഹരജി നല്‍കുക. ജാമ്യം റദ്ദാക്കിയ തിരുവനന്തപുരത്തെ കോടതി ഉത്തരവ് അടിയന്തരമായി സ്റ്റേ ചെയ്യണമെന്നും ആവശ്യപ്പെടും.
Latest
മാതൃകയായി വീണ്ടും സംസ്ഥാനം; രാജ്യത്ത് ആദ്യമായി ജില്ലാ ആശുപത്രികളില്‍ ഫാറ്റി ലിവര്‍ ക്ലിനിക്കുകള്‍
നിയമ വിദ്യാര്‍ഥിനി മുറിയില്‍ മരിച്ച നിലയില്‍
തിരുവനന്തപുരത്ത് കൂട്ടക്കൊല; യുവാവ് കൊലപ്പെടുത്തിയത് ബന്ധുക്കളും പെണ്‍സുഹൃത്തുമടക്കം അഞ്ചുപേരെ
ആറളം ഫാം: മരിച്ചവരുടെ കുടുംബത്തിലെ ഒരാള്‍ക്ക് അടുത്തയാഴ്ച തന്നെ താല്‍ക്കാലിക ജോലി; സമരം അസാനിപ്പിച്ചു
പി സി ജോര്‍ജിന് ആരോഗ്യ പ്രശ്‌നങ്ങള്‍; റിമാന്റ് മെഡിക്കല്‍ കോളജിലെ സെല്ലില്‍
കേരളത്തോടുള്ള കേന്ദ്ര അവഗണന; സി പി എം ഉപരോധം നാളെ
