periya case
പെരിയ ഇരട്ടക്കൊല: വിവാഹച്ചടങ്ങില്‍ പങ്കെടുത്ത കോണ്‍ഗ്രസ് നേതാക്കള്‍ക്കെതിരെ നടപടി വേണമെന്ന് അന്വേഷണ റിപ്പോര്‍ട്ടില്‍ ശുപാര്‍ശ
അന്വേഷണ സമിതി കെ പി സി സി പ്രസിഡന്റിന് റിപ്പോര്‍ട്ട് കൈമാറി
കണ്ണൂര്‍ | പെരിയ ഇരട്ടക്കൊലക്കേസിലെ പ്രതിയുടെ മകന്റെ വിവാഹച്ചടങ്ങില്‍ പങ്കെടുത്ത കോണ്‍ഗ്രസ് നേതാക്കള്‍ക്കെതിരെ നടപടി വേണമെന്ന് അന്വേഷണ റിപ്പോര്‍ട്ടില്‍ ശുപാര്‍ശ. അന്വേഷണ സമിതി കെ പി സി സി പ്രസിഡന്റിന് റിപ്പോര്‍ട്ട് കൈമാറി.
പെരിയ ഇരട്ടക്കൊലക്കേസ് പതിമൂന്നാം പ്രതി ബാലകൃഷ്ണന്റെ മകന്റെ വിവാഹ ചടങ്ങില്‍ ജില്ലയിലെ മുതിര്‍ന്ന കോണ്‍ഗ്രസ് നേതാക്കള്‍ പങ്കെടുത്തതോടെയാണ് വിവാദമായത്. കെ പി സി സി സെക്രട്ടറി ബാലകൃഷ്ണന്‍ പെരിയ, യു ഡി എഫ് ഉദുമ മണ്ഡലം കമ്മിറ്റി ചെയര്‍മാന്‍ രാജന്‍ പെരിയ, മണ്ഡലം പ്രസിഡന്റ് പ്രമോദ് പെരിയ എന്നിവര്‍ക്കെതിരെയാണ് പരാതി. കല്യാണത്തില്‍ പങ്കെടുത്ത നേതാക്കള്‍ക്കെതിരെ ഫേസ്ബുക്ക് പോസ്റ്റുമായി രാജ്‌മോഹന് ഉണ്ണിത്താന്‍ രംഗത്തെത്തിയിരുന്നു.
എന്നാല്‍ കെ പി സി സി സെക്രട്ടറി ബാലകൃഷ്ണന്‍ പെരിയ ഉണ്ണിത്താനെതിരെ രൂക്ഷ വിമര്‍ശനവുമായി എത്തിയതോടെ അഭിപ്രായ ഭിന്നത കടുത്തു. തുടര്‍ന്നാണ് കെ പി സി സി സി അന്വേഷണ സമിതിയെ വച്ചത്. കെ പി സി സി രാഷ്ട്ട്രീയകാര്യ സമിതി അംഗം എന്‍ സുബ്രഹ്മണ്യന്‍, ജനറല്‍ സെക്രട്ടറി പി എം നിയാസ് എന്നിവര്‍ കാസര്‍കോട്ടെത്തി മെയ് 29,30 തീയതികിളില്‍ തെളിവെടുപ്പ് നടത്തി. പാര്‍ട്ടിയുടെ മുഖം രക്ഷിക്കാന്‍ വിവാഹത്തില്‍ പങ്കെടുത്തവര്‍ക്കെതിരെ നടപടി വേണമെന്നാണ് സമിതി റിപ്പോര്‍ട്ടിലെ ശുപാര്‍ശ.
Latest
ഝാൻസി ആശുപത്രിയിലെ തീപ്പിടിത്തം; പൊള്ളലേറ്റ ഒരു കുഞ്ഞു കൂടി മരിച്ചു: മരണം 11 ആയി
ആഗോള ഫുട്ബോൾ വാതുവെപ്പുകാരനെ ദുബൈ പോലീസ് അറസ്റ്റ് ചെയ്തു
മംഗളൂരുവില് സ്വകാര്യ ബീച്ച് റിസോർട്ടിലെ നീന്തൽക്കുളത്തിൽ മൂന്ന് യുവതികൾ മുങ്ങിമരിച്ചു
മണ്ണഞ്ചേരിയില് മോഷണം നടത്തിയത് കുറുവ സംഘം തന്നെ
ഡി എസ് എഫ്; ഡിജിറ്റൽ മാപ്പ് തയ്യാറായി
മണിപ്പൂരില് സംഘര്ഷം രൂക്ഷം; ഇടപെട്ട് കേന്ദ്രം
