Kerala
പെരുനാട് പോക്സോ കേസ്; 13 പേര്‍ അറസ്റ്റില്‍
പെണ്‍കുട്ടിയെ ജില്ലാ ശിശു സംരക്ഷണ ഓഫീസറുടെ മേല്‍നോട്ടത്തില്‍ പുനരധിവസിപ്പിച്ചു.
പത്തനംതിട്ട | റാന്നി പെരുനാട്ടില്‍ പതിനാറുകാരിയെ പീഡിപ്പിച്ച കേസില്‍ 13 പ്രതികളെ അറസ്റ്റ് ചെയ്തതായി സംസ്ഥാന ബാലാവകാശ കമ്മീഷന്‍ ചെയര്‍മാന്‍ കെ വി മനോജ് കുമാര്‍ പറഞ്ഞു. പെരുനാട്ടില്‍ പതിനാറുകാരിയെ പീഡിപ്പിച്ച കേസിന്റെ പുരോഗതി വിലയിരുത്തിയ ശേഷം സംസാരിക്കുകയായിരുന്നു അദ്ദേഹം.
പെണ്‍കുട്ടിയെ ജില്ലാ ശിശു സംരക്ഷണ ഓഫീസറുടെ മേല്‍നോട്ടത്തില്‍ പുനരധിവസിപ്പിച്ചു. 19 പേര്‍ അടങ്ങുന്ന പ്രതിപ്പട്ടികയില്‍ മറ്റ് പ്രതികളെ പിടികൂടുന്നതിനും ചാര്‍ജ്ഷീറ്റ് സമര്‍പ്പിക്കുന്നതിനുമുള്ള നടപടികള്‍ പുരോഗമിക്കുകയാണ്. സാമൂഹിക മാധ്യമങ്ങളിലൂടെയുള്ള പരിചയം വഴി സൗഹൃദം നടിച്ചാണ് പ്രതികള്‍ പെണ്‍കുട്ടിയെ പീഡനത്തിനിരയാക്കിയത്. വ്യാജ പ്രൊഫൈലുകളാണ് പ്രതികള്‍ ഇതിനായി ഉപയോഗിച്ചത്. സംസ്ഥാനത്ത് പോക്സോ കേസുകളെ കുറിച്ചും കുട്ടികളുടെ അവകാശങ്ങളെക്കുറിച്ചും സുരക്ഷ ഉറപ്പാകുന്നതിനുമുള്ള നടപടിക്രമങ്ങള്‍ കമ്മീഷന്റെ മേല്‍നോട്ടത്തില്‍ നടന്നു വരുന്നു.
അധ്യാപകര്‍, മാധ്യമ പ്രവര്‍ത്തകര്‍, അങ്കണ്‍വാടികള്‍, കുടുംബശ്രീ യൂണിറ്റുകള്‍ തുടങ്ങിയവര്‍ക്ക് ബോധവത്ക്കരണ പ്രവര്‍ത്തനങ്ങള്‍ നടത്തുന്നുണ്ടെന്നും ഐ സി ഡി എസിന്റെ നേതൃത്വത്തില്‍ ശിശു സംരക്ഷണ മാപ്പിങ്ങിനും ശിപാര്‍ശ ചെയ്തിട്ടുണ്ടെന്നും അദ്ദേഹം പറഞ്ഞു. കമ്മീഷന്‍ അംഗം എന്‍ സുനന്ദ, റാന്നി ഡിവൈ എസ് പി. ആര്‍ ബിനു, പെരുനാട് ഇന്‍സ്‌പെക്ടര്‍ വി ബിനു പങ്കെടുത്തു.
Latest
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച രണ്ടാനച്ഛന് കഠിന തടവ്
കരുനാഗപ്പള്ളി വിഭാഗീയത: സി പി എം സംസ്ഥാന നേതൃത്വം ഇടപെടുന്നു
അഞ്ച് വയസുകാരിയെ പീഡിപ്പിച്ച വൃദ്ധന് തടവ് 20 വര്‍ഷം കഠിന തടവ്
സ്‌പോര്‍ട്‌സ് ഹോസ്റ്റലുകളിലെ കായിക താരങ്ങള്‍ക്ക് ഭക്ഷണം നല്‍കാന്‍ സര്‍ക്കാര്‍ മൂന്നു കോടി രൂപ അനുവദിച്ചു
ഋഷികേശില്‍ പുഴയില്‍ മലയാളി യുവാവിനെ കാണാതായി
വിദ്യാര്‍ഥിനിയെ രാത്രി പിന്തുടര്‍ന്ന് കയറിപ്പിടിച്ച ബിഹാര്‍ സ്വദേശി പിടിയില്‍
