സ്റ്റാലിന്റെ ആത്മകഥ പ്രകാശന ചടങ്ങിനായി പിണറായി ഇന്ന് ചെന്നൈയില്‍

തിരുവനന്തപുരം | തമിഴ്‌നാട് മുഖ്യമന്ത്രി എം കെ സ്റ്റാലിന്റെ ആത്മകഥ പ്രകാശന ചടങ്ങില്‍ പങ്കെടുക്കാന്‍ മുഖ്യമന്ത്രി പിണറായി വിജയന്‍ ഇന്ന് ചെന്നൈയിലെത്തും. സി പി എം സംസ്ഥാന സമ്മേളനത്തിന്റെ തിരക്കുകള്‍ക്കിടെയാണ് മുഖ്യമന്ത്രി പ്രത്യേക പരിപാടിക്കായി ചെന്നൈയിലെത്തുന്നത്. ആത്മകഥ പ്രകാശന ചടങ്ങിന് ശേഷം അദ്ദേഹം കൊച്ചിക്ക് മടങ്ങുന്ന അദ്ദേഹം നാളെ മുതല്‍ സി പി എം സമ്മേളനത്തില്‍ പങ്കെടുക്കും.

കോണ്‍ഗ്രസ് നേതാവ് രാഹുല്‍ ഗാന്ധിയാണ് സ്റ്റാലിന്റെ ആത്മകഥ പ്രകാശനം ചെയ്യുന്നത്. ചടങ്ങിലേക്ക് രാജ്യത്തെ പ്രമുഖ പ്രതിപക്ഷ നേതാക്കളെയെല്ലാം സ്റ്റാലിന്‍ ക്ഷണിച്ചിട്ടുണ്ട്. ഈ ഒരു സാഹചര്യത്തില്‍ ചടങ്ങ് കേന്ദ്രത്തിനെതിരായ പ്രതിപക്ഷ ഐക്യത്തിന്റെ ഒരു വേദിയായി മാറും.

ഇന്ന് തന്നെ എറണാകുളത്ത് മടങ്ങിയെത്തുന്ന മുഖ്യമന്ത്രി പിണറായി വിജയന്‍ പാര്‍ട്ടി സംസ്ഥാന സമ്മേളനത്തിലും കണ്ണൂരിലെ വിവിധ ചടങ്ങുകളിലും പങ്കെടുത്ത ശേഷം അടുത്ത മാസം എട്ടിനു മാത്രമേ തിരുവനന്തപുരത്തു മടങ്ങിയെത്തുകയുള്ളു.