International
കാലിഫോര്‍ണിയയില്‍ ടേക്ക് ഓഫിന് തൊട്ടുപിന്നാലെ ഫാക്ടറി കെട്ടിടത്തിലേക്ക് കൂപ്പുകുത്തി വിമാനം; രണ്ട് മരണം
ആര്‍വി 10 എന്ന ഒറ്റ എഞ്ചിന്‍ വിമാനമാണ് ഫാക്ടറി കെട്ടിടത്തിലേക്ക് കൂപ്പുകുത്തിയത്.
കാലിഫോര്‍ണിയ| കാലിഫോര്‍ണിയയിലെ തെക്കന്‍ മേഖലയില്‍ ടേക്ക് ഓഫിന് തൊട്ടുപിന്നാലെ ഫാക്ടറി കെട്ടിടത്തിലേക്ക് കൂപ്പുകുത്തി ചെറുവിമാനം. അപകടത്തില്‍ രണ്ട് പേര്‍ മരിച്ചു. നിരവധി പേര്‍ക്ക് പരുക്ക്. വ്യാഴാഴ്ച ഉച്ച കഴിഞ്ഞാണ് അപകടമുണ്ടായത്. ആര്‍വി 10 എന്ന ഒറ്റ എഞ്ചിന്‍ വിമാനമാണ് ഫാക്ടറി കെട്ടിടത്തിലേക്ക് കൂപ്പുകുത്തിയത്.
മരിച്ചവര്‍ വിമാനത്തിലെ യാത്രക്കാരാണോ, ഫാക്ടറി തൊഴിലാളികളാണോയെന്നത് സ്ഥിരീകരിച്ചിട്ടില്ല. പ്രദേശത്ത് രക്ഷാപ്രവര്‍ത്തനം പുരോഗമിക്കുകയാണ്.
ഫാക്ടറി കെട്ടിടത്തിന്റെ മേല്‍ക്കൂര തകര്‍ത്താണ് വിമാനം കെട്ടിടത്തിന്റെ ഉള്ളിലേക്ക് പതിച്ചത്. ഫര്‍ണിച്ചര്‍ നിര്‍മ്മാണ ഫാക്ടറിയിലേക്കാണ് വിമാനം കുപ്പുകുത്തിയത്. വിമാനം കെട്ടിടത്തിനുള്ളിലേക്ക് കൂപ്പുകുത്തിയതിന് പിന്നാലെ ഫാക്ടറിയില്‍ നിന്ന് തീ ഉയര്‍ന്നിരുന്നു. അപകട കാരണം കണ്ടെത്താനായി ഫെഡറല്‍ ഏവിയേഷന്‍ മന്ത്രാലയം അന്വേഷണം ആരംഭിച്ചിട്ടുണ്ട്. ഡിസ്‌നിലാന്‍ഡില്‍ നിന്ന് 10 കിലോമീറ്റര്‍ അകലെയുള്ള ഫുള്ളര്‍ടോണ്‍ മുന്‍സിപ്പല്‍ വിമാനത്താവളത്തിന് സമീപത്താണ് അപകടമുണ്ടായത്.
Latest
കക്കാടംപൊയിലിലെ റിസോര്‍ട്ടില്‍ ഏഴു വയസുകാരന്‍ മുങ്ങി മരിച്ചു
നിപ ലക്ഷണങ്ങളോടെ യുവതി കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സ തേടി
ട്രംപിന്റെ പകര തീരുവ; കനത്ത തിരിച്ചടി നല്‍കി ചൈന
കാര്യവട്ടത്ത് വിദ്യാര്‍ഥിനിക്ക് പാഴ്‌സലില്‍ കഞ്ചാവ്; അയച്ചത് കോഴിക്കോട്ട് നിന്ന്
എ ഐ സി സി സമ്മേളനം 8, 9 ; ഡി സി സി പുനസ്സംഘടന ഗുജറാത്തില്‍ നിന്ന് തുടങ്ങും
പാലക്കാട് വടക്കഞ്ചേരിയില്‍ വന്‍ കവര്‍ച്ച; വീടിനുള്ളിലെ ലോക്കര്‍ തകര്‍ത്ത് 45 പവന്‍ കവര്‍ന്നു
