Kerala
പോക്സോ കേസ്; പ്രതിക്ക് 50 വര്‍ഷം കഠിനതടവും ആറുലക്ഷം പിഴയും
ചെന്നീര്‍ക്കര പ്രക്കാനം തോട്ടുപുറം പ്ലാമൂട്ടില്‍ വീട്ടില്‍ സുജിത്ത് (43)നെയാണ് പത്തനംതിട്ട അതിവേഗ സ്പെഷ്യല്‍ കോടതി (പോക്സോ ) ജഡ്ജി ഡോണി തോമസ് വര്‍ഗീസ് ശിക്ഷിച്ചത്.
പത്തനംതിട്ട | പതിനാലുകാരിയെ ബലാത്സംഗം ചെയ്ത കേസില്‍ പ്രതിക്ക് 50 വര്‍ഷം കഠിനതടവും ആറുലക്ഷം രൂപ പിഴയും. ചെന്നീര്‍ക്കര പ്രക്കാനം തോട്ടുപുറം പ്ലാമൂട്ടില്‍ വീട്ടില്‍ സുജിത്ത് (43)നെയാണ് പത്തനംതിട്ട അതിവേഗ സ്പെഷ്യല്‍ കോടതി (പോക്സോ ) ജഡ്ജി ഡോണി തോമസ് വര്‍ഗീസ് ശിക്ഷിച്ചത്.
2020 ഒക്ടോബര്‍ 22ന് പത്തനംതിട്ട വനിതാ പോലീസ് സ്റ്റേഷനില്‍ രജിസ്റ്റര്‍ ചെയ്ത കേസിലാണ് വിധി. പിഴയടച്ചില്ലെങ്കില്‍ ഒന്നര വര്‍ഷത്തെ അധിക കഠിനതടവ് അനുഭവിക്കണമെന്നും വിധിയില്‍ പറയുന്നു.
പോലീസ് ഇന്‍സ്‌പെക്ടര്‍ ആയിരുന്ന എ ആര്‍ ലീലാമ്മയാണ് കേസന്വേഷിച്ച് കോടതിയില്‍ കുറ്റപത്രം സമര്‍പ്പിച്ചത്. പ്രോസിക്യൂഷനു വേണ്ടി പബ്ലിക് പ്രോസിക്യൂട്ടര്‍ ജെയ്‌സണ്‍ മാത്യൂസ് കോടതിയില്‍ ഹാജരായി. എ എസ് ഐ. ഹസീന പ്രോസിക്യൂഷന്‍ നടപടികളില്‍ സഹായിയായി.
Latest
മാനവസഞ്ചാരത്തിന് ഞായറാഴ്ച സമാപനം; ചരിത്ര വേദിയാകാന്‍ തിരുവനന്തപുരം
'ഡീസല്‍ ബള്‍ക്ക് പര്‍ച്ചേസ് നിരക്ക് അറിയണം'; കെ എസ് ആര്‍ ടി സിയുടെ ആവശ്യം അതിരുകടന്നതെന്ന് സുപ്രീം കോടതി
പരിഷ്‌കരണവുമായി യു ജി സി; ബിരുദ കാലയളവ് കൂട്ടാം, കുറയ്ക്കാം
കടമ്മനിട്ട ലോ കോളജ് ഹോസ്റ്റലിലെ ഭക്ഷണത്തില്‍ പുഴു; പ്രതിഷേധിച്ച് വിദ്യാര്‍ഥിനികള്‍
പെരിന്തല്‍മണ്ണ കവര്‍ച്ച: സ്വര്‍ണവും പണവും കണ്ടെടുത്തു
ഇ കെ വിഭാഗത്തില്‍ ലീഗ് അനുകൂലികളുടെ സമാന്തര വേദി
