Kerala
പോക്സോ കേസ്: യുവാവിന് 23 വര്‍ഷം തടവും 1.10 ലക്ഷം രൂപ പിഴയും
കൊട്ടാരക്കര കടയ്ക്കല്‍ പ്ലാവിള പുത്തന്‍വീട്ടില്‍ പ്രശാന്തിനെയാണ് (36) അടൂര്‍ അതിവേഗ സ്പെഷ്യല്‍ ജഡ്ജ് ടി മഞ്ജിത്ത് ശിക്ഷിച്ചത്.
അടൂര്‍ | പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവിന് 23 വര്‍ഷം കഠിനതടവും 1.10 ലക്ഷം രൂപ പിഴയും. കൊട്ടാരക്കര കടയ്ക്കല്‍ പ്ലാവിള പുത്തന്‍വീട്ടില്‍ പ്രശാന്തിനെയാണ് (36) അടൂര്‍ അതിവേഗ സ്പെഷ്യല്‍ ജഡ്ജ് ടി മഞ്ജിത്ത് ശിക്ഷിച്ചത്. പിഴ അടച്ചില്ലെങ്കില്‍ ഏഴുമാസം കൂടി അധിക കഠിന തടവും അനുഭവിക്കണം.
പ്രായപൂര്‍ത്തിയാകാത്ത പെണ്‍കുട്ടിയുമായി പരിചയപ്പെട്ട് വിവാഹ വാഗ്ദാനം നല്‍കുകയും 2016ല്‍ വീട്ടില്‍ നിന്നും കടത്തിക്കൊണ്ടുപോയി ലൈംഗികാതിക്രമത്തിന് വിധേയമാക്കുകയും ചെയ്ത സംഭവത്തില്‍ അടൂര്‍ പോലീസാണ് കേസ് രജിസ്റ്റര്‍ ചെയ്തത്. ഒളിവില്‍ പോയിരുന്ന പ്രശാന്തിനെ 2023ല്‍ എറണാകുളത്തു നിന്ന് കണ്ടെത്തിയാണ് അറസ്റ്റ് ചെയ്തത്.
കേസില്‍ പ്രോസിക്യൂഷന്‍ ഭാഗത്തു നിന്നും 17 സാക്ഷികളെ വിസ്തരിക്കുകയും 25 രേഖകള്‍ ഹാജരാക്കുകയും ചെയ്തു. പ്രോസിക്യൂഷനു വേണ്ടി സ്പെഷ്യല്‍ പബ്ലിക് പ്രോസിക്യൂട്ടര്‍ അഡ്വ. സ്മിത ജോണ്‍ ഹാജരായി.
Latest
കാണാതായ സൈനികന്‍ വിഷ്ണു പൂനെ ആര്‍മി സ്‌പോര്‍ട്‌സ് ഇന്‍സ്റ്റിറ്റ്യൂട്ടില്‍ നിന്ന് 20 ദിവസത്തെ അവധിയെടുത്തതായി കണ്ടെത്തി
ചോദ്യപേപ്പര്‍ ചോര്‍ച്ച: ഷുഹൈബിനായി ലുക്ക് ഔട്ട് നോട്ടീസ് പുറപ്പെടുവിച്ചു
പ്രായത്തെ ചെറുക്കണോ? എങ്കിൽ ഈ ഭക്ഷണങ്ങൾ ശീലമാക്കിക്കൊള്ളൂ...
വയനാട് ഉരുള്‍പൊട്ടല്‍ ദുരന്തം; ടൗണ്‍ഷിപ്പ് നിര്‍മാണ ചുമതല ഊരാളുങ്കലിന് നല്‍കിയേക്കും
മൂന്ന് ദിവസങ്ങള്‍ക്ക് ശേഷം സ്വര്‍ണവില ഉയര്‍ന്നു
ഇഞ്ചിയും മഞ്ഞളും തമ്മിൽ എന്താ! അറിയാം ആരോഗ്യ രഹസ്യങ്ങൾ
