Kerala
ലഹരിവേട്ടക്ക് പോലീസ് എത്തി; ഹോട്ടലില്‍ നിന്ന് ഇറങ്ങിയോടി നടന്‍ ഷൈന്‍ ടോം ചാക്കോ
ഡാന്‍സഫ് പരിശോധനയ്ക്കിടെ ഇന്നലെ രാത്രി 10.58 ഓടെയാണ് നടന്‍ ഹോട്ടല്‍ മുറിയില്‍ നിന്ന് ജനല്‍വഴി താഴേക്കിറങ്ങി റിസപ്ഷന്‍ വഴി ഓടി രക്ഷപ്പെട്ടത്
കൊച്ചി | ലഹരി വേട്ടക്കെത്തിയ പോലീസ് ഉദ്യോഗസ്ഥരെ കണ്ട് ഹോട്ടലില്‍ നിന്ന് നടന്‍ ഷൈന്‍ ടോം ചാക്കോ ഇങ്ങി ഓടി. ഡാന്‍സഫ് പരിശോധനയ്ക്കിടെ ഇന്നലെ രാത്രി 10.58 ഓടെയാണ് നടന്‍ ഹോട്ടല്‍ മുറിയില്‍ നിന്ന് ജനല്‍വഴി താഴേക്കിറങ്ങി റിസപ്ഷന്‍ വഴി ഓടി രക്ഷപ്പെട്ടത്.
കൊച്ചിയിലെ ഹോട്ടലില്‍ ഡാന്‍സാഫിന്റെ കൊച്ചി യുണീറ്റാണ് പരിശോധനക്കെത്തിയത്.
സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നു. ഹോട്ടലില്‍ ലഹരി ഉപയോഗമുണ്ടെന്ന വിവരത്തിന്റെ അടിസ്ഥാനത്തിലാണ് ഡാന്‍സാഫ് പരിശോധനക്കെത്തിയത്. കൊച്ചി നാര്‍ക്കോട്ടിക്‌സ് എ സി പിയുടെ നിര്‍ദേശപ്രകാരമാണ് പരിശോധന നടത്തിയത്. അഞ്ചിലധികം പോലീസ് ഉദ്യോഗസ്ഥര്‍ സംഘത്തില്‍ ഉണ്ടായിരുന്നു. സംഘം മുറിയിലേക്ക് പരിശോധനക്കെത്തുന്നതിനിടെ നടന്‍ ജനല്‍വഴി താഴേക്കിറങ്ങി ഓടി രക്ഷപ്പെടുകയായിരുന്നു.
സിനിമാ സെറ്റില്‍ ലഹരി ഉപയോഗിച്ച് മോശമായി പെരുമാറിയെന്ന നടി വിന്‍സി അലോഷ്യസ് നടനെതിരെ പരാതി നല്‍കിയതിന് പിന്നാലെയാണ് ഡാന്‍സഫ് പരിശോധനയ്ക്കിടെ മുറിയില്‍ നിന്നിറങ്ങി ഓടുന്ന ദൃശ്യങ്ങളടക്കം പുറത്തുവന്നത്. സിനിമ സെറ്റിലെ ലഹരി ഉപയോഗത്തിലാണ് നടി ഷൈന്‍ ടോം ചാക്കോക്കെതിരെ പരാതി നല്‍കിയത്. സൂത്രവാക്യം എന്ന സിനിമയുടെ സെറ്റില്‍ വെച്ചാണ് സംഭവം നടന്നത്. ഫിലിം ചേമ്പറിനും സിനിമയുടെ ഐ സി സിക്കും താര സംഘടനയായ അമ്മക്കുമാണ് നടി പരാതി നല്‍കിയത്.
Latest
നിര്‍ദേശിച്ചതിലും അരമണിക്കൂര്‍ നേരത്ത, ഷൈന്‍ ടോം ചാക്കോ പോലീസ് സ്റ്റേഷനില്‍ ഹാജരായി
കെ സുധാകരനെ മറികടന്ന് ഹൈപ്പവര്‍ കമ്മിറ്റിക്ക് നീക്കം
കാനഡയില്‍ ബസ് സ്റ്റോപ്പില്‍ നില്‍ക്കുകയായിരുന്ന ഇന്ത്യന്‍ വിദ്യാര്‍ത്ഥിനി വെടിയേറ്റ് മരിച്ചു; അന്വേഷണം ആരംഭിച്ചു
കണ്ണൂര്‍ സര്‍വകലാശാല ചോദ്യപേപ്പര്‍ ചോര്‍ച്ച: ക്രമക്കേട് കണ്ടെത്തിയ കോളജിലെ പരീക്ഷ മാത്രം റദ്ദാക്കാന്‍ തീരുമാനം
ഇഗ്‌നൊ പ്രൊഫസറെ കൈയേറ്റം ചെയ്‌തെന്ന് പരാതി; സൈനികര്‍ക്കെതിരെ അന്വേഷണത്തിന് ഉത്തരവിട്ട് കരസേന
ശക്തമായ മഴ: ഡല്‍ഹിയിലെ മുസ്തഫാബാദില്‍ കെട്ടിടം തകര്‍ന്നു വീണു; നാലു മരണം
