എ ടി എം തകര്‍ത്ത് മോഷണ ശ്രമം; പോളി ടെക്‌നിക് ബിരുദധാരി പിടിയില്‍

കോഴിക്കോട് | കോഴിക്കോട് എ ടി എം കുത്തി തുറന്നു മോഷണ ശ്രമം. പോളി ടെക്‌നിക് ബിരുദധാരിയായ യുവാവ് പിടിയിലായി. പറമ്പില്‍ കടവ് പാലത്തെ ഹിറ്റാച്ചി എ ടി എം കുത്തിത്തുറക്കാന്‍ ശ്രമിച്ച മലപ്പുറം സ്വദേശി വിജേഷ് ആണ് ചേവായൂര്‍ പോലീസിന്റെ പിടിയിലായത്.

രാത്രി പട്രോളിംഗ് നടത്തിയ പോലീസ് സംഘമാണ് മോഷണ ശ്രമം കണ്ടെത്തിയത്. എ ടി എം കൗണ്ടറിനുള്ളില്‍ നിന്നാണ് മോഷ്ടാവിനെ പോലീസ് പിടികൂടിയത്. സാമ്പത്തിക ബാധ്യത തീര്‍ക്കാന്‍ ലക്ഷ്യമിട്ടാണ് മോഷണത്തിനിറങ്ങിയതെന്ന് പോളി ടെക്‌നിക് ബിരുദധാരിയായ യുവാവ് പോലീസിനോട് പറഞ്ഞു. ചെറിയ ഗ്യാസ് കട്ടര്‍ അടക്കമുള്ളവ യുവാവില്‍ നിന്ന് പോലീസ് കണ്ടെത്തി.