International
മറുപടിയില്ലാത്ത മൂന്ന് ഗോളുകള്‍ക്ക് തുര്‍ക്കിയെ തറപറ്റിച്ച് പോര്‍ച്ചുഗല്‍; പ്രീക്വാര്‍ടര്‍ ഉറപ്പാക്കി
ഇരുപത്തിയൊന്നാം മിനിറ്റില്‍ ബര്‍ണാഡോ സില്‍വ, 55 -ാം മിനുട്ടില്‍ ബ്രൂണോ ഫെര്‍ണാണ്ടസ് എന്നിവര്‍ വലകുലുക്കയപ്പോള്‍ ഇരുപത്തിയെട്ടാം മിനുട്ടിലെ തുര്‍ക്കിയുടെ സെല്‍ഫ് ഗോള്‍
യൂറോ കപ്പ് ഗ്രൂപ്പ് എഫിലെ രണ്ടാം മത്സരത്തില്‍ തുര്‍ക്കിയെ പരാജയപ്പെടുത്തി പോര്‍ച്ചുഗല്‍. മറുപടിയില്ലാത്ത മൂന്ന് ഗോളുകള്‍ക്കാണ് തുര്‍ക്കിയെ പോര്‍ച്ചുഗല്‍ തകര്‍ത്തെറിഞ്ഞത്.ഇതോടെ പോര്‍ച്ചുഗല്‍ ് പ്രീക്വാര്‍ട്ടര്‍ ഉറപ്പാക്കി.
ഇരുപത്തിയൊന്നാം മിനിറ്റില്‍ ബര്‍ണാഡോ സില്‍വ, 55 -ാം മിനുട്ടില്‍ ബ്രൂണോ ഫെര്‍ണാണ്ടസ് എന്നിവര്‍ വലകുലുക്കയപ്പോള്‍ ഇരുപത്തിയെട്ടാം മിനുട്ടിലെ തുര്‍ക്കിയുടെ സെല്‍ഫ് ഗോള്‍ കൂടി പോര്‍ച്ചുഗലിന് സ്വന്തമായി. സാമറ്റ് അക്കയ്ഡിന്‍ കീപ്പര്‍ക്ക് നല്‍കിയ പന്ത് അബദ്ധത്തില്‍ ഗോളാവുകയായിരുന്നു
മത്സരം തുടങ്ങിയതു മുതല്‍ ഇരു ടീമുകളും ആക്രമിച്ച് കളിച്ചു. ഇരുപത്തിയൊന്നാം മിനിറ്റില്‍ വലതു വിംഗിലൂടെ ഓടിയെത്തി പോര്‍ച്ചുഗല്‍ പ്രതിരോധനിര താരം ന്യൂനോ മെന്‍ഡസ് ബോക്‌സിലേക്ക് നല്‍കിയ ക്രോസ് ബെര്‍ണാഡോ സില്‍വക്ക് ലഭിച്ചു. ഒരു ഇടംകാലന്‍ സ്ട്രൈക്കിലൂടെ സില്‍വ അത് ഗോളിലേക്ക് തിരിച്ചുവിട്ടു. യൂറോയില്‍ ബര്‍ണാഡോ സില്‍വയുടെ ആദ്യ ഗോള്‍.
പ്രതീക്ഷിക്കാതെ ആയിരുന്നു പോര്‍ച്ചുഗലിന്റെ രണ്ടാം ഗോള്‍ പിറന്നത്. പോര്‍ച്ചുഗല്‍ പ്രതിരോധനിര താരം ജോവോ കാന്‍സെലോ മധ്യനിരയിലൂടെ മുന്നേറി ക്രിസ്റ്റ്യാനോ റൊണാള്‍ഡോയിലേക്ക് പന്ത് എത്തിക്കാന്‍ ശ്രമിക്കുകയായിരുന്നു. ദുര്‍ബലമായ പാസ് പക്ഷേ റൊണാള്‍ഡോക്ക് പിടിച്ചെടുക്കാന്‍ ആയില്ല. അദ്ദേഹം നിരാശയോടെ പിന്തിരിയുന്നതിനിടെ തുര്‍ക്കി ഡിഫന്‍ഡര്‍ സാമെറ്റ് അക്കയ്ഡിന്‍ അശ്രദ്ധമായി പന്ത് ഗോള്‍കീപ്പര്‍ അല്‍തയ് ബയിന്ദിറിന് മൈനസ് നല്‍കി. കീപ്പറെയും കടന്നുപോയ പന്ത് പതിയെ ഗോള്‍ വര കടന്നു. ഇരുവരും ഓടിയെത്തി ഗോള്‍ ഒഴിവാക്കാനുള്ള ശ്രമം നടത്തിയെങ്കിലും പരാജയപ്പെട്ടു.
Latest
കണ്ണൂരില് ഓടിക്കൊണ്ടിരുന്ന കാറിന് തീപ്പിടിച്ചു
കോഴിക്കോട് മിനി പിക്കപ്പ് ലോറി മറിഞ്ഞ് ഒരു മരണം
കഞ്ചാവ് കടത്ത് കേസ്; യുവതിക്ക് കഠിനതടവും പിഴയും
ഒരുമയുടെ കഥ പറഞ്ഞ് എസ് വൈ എസ് മാനവസഞ്ചാരം കോട്ടക്കലില്
നൂറുല് ഉലമ; വാക്കും വരയും പടവാളാക്കിയ പണ്ഡിതന് :എന് അലി അബ്ദുല്ല
നഴ്സിങ് വിദ്യാര്ഥിനിയുടെ മരണം; സഹപാഠികളെ കസ്റ്റഡിയില് കിട്ടാന് പോലീസ് കോടതിയില് അപേക്ഷ നല്‍കി
