Kerala
പിപി ദിവ്യ ഇന്ന് ജാമ്യ ഹരജി നല്കും
ദിവ്യയുടെ ജാമ്യാപേക്ഷ എതിര്ക്കുമെന്ന് നവീന് ബാബുവിന്റെ കുടുംബം ഇന്നലെ വ്യക്തമാക്കിയിരുന്നു
കണ്ണൂര് | എഡിഎം നവീന് ബാബു മരണപ്പെട്ട കേസില് റിമാന്ഡിലായ പിപി ദിവ്യ ഇന്ന് ജാമ്യ ഹരജി നല്കും. തലശേരി സെഷന്സ് കോടതിയിലാണ് ഹരജി നല്കുക. ഇന്നലെ അറസ്റ്റിലായ ദിവ്യയെ രണ്ടാഴ്ചത്തേക്കാണ് മജിസ്ട്രേറ്റ് റിമാന്ഡ് ചെയ്തിരിക്കുന്നത്.
അതേ സമയം ദിവ്യയെ ചോദ്യം ചെയ്യാനായി കസ്റ്റഡിയില് വേണമെന്ന അപേക്ഷ പോലീസ് കോടതിയില് സമര്പ്പിച്ചിട്ടില്ല. ഇക്കാര്യത്തില് അന്വേഷണസംഘം ഇന്ന് തീരുമാനമെടുത്തേക്കും.
സിപിഎമ്മിന്റെ കണ്ണൂര് ജില്ലാ സെക്രട്ടറിയേറ്റ് യോഗം ഇന്ന് ചേരും. ദിവ്യയുടെ അറസ്റ്റിനു ശേഷമുള്ള സാഹചര്യങ്ങള് യോഗം ചര്ച്ച ചെയ്യും. ദിവ്യക്കെതിരായ സംഘടന നടപടിയും ഇന്നത്തെ സെക്രട്ടറിയേറ്റ് യോഗം ചര്ച്ച ചെയ്യുമെന്നാണ് സൂചന.
അതേസമയം ദിവ്യയുടെ ജാമ്യാപേക്ഷ എതിര്ക്കുമെന്ന് നവീന് ബാബുവിന്റെ കുടുംബം ഇന്നലെ വ്യക്തമാക്കിയിരുന്നു. ജാമ്യാപേക്ഷയില് നവീന്റെ ഭാര്യ മജ്ഞുഷ കക്ഷി ചേരും. ക്ഷണിച്ചിട്ടാണ് നവീന് ബാബുവിന്റെ യാത്രയയപ്പ് യോഗത്തില് എത്തിയതെന്ന ദിവ്യയുടെ വാദവും കോടതി തള്ളിക്കളഞ്ഞു.
കരുതിക്കൂട്ടി വിഡിയോ ചിത്രീകരിക്കാന് പദ്ധതിയിട്ടതും പ്രചരിപ്പിച്ചതും നവീനെ മേലുദ്യോഗസ്ഥര്ക്കും സഹപ്രവര്ത്തകര്ക്കും മുന്പില് അപമാനിക്കാനുള്ള ഉദ്ദേശ്യത്തോടെയാണെന്ന് കോടതി കണ്ടെത്തിയിരുന്നു. തലശേരി പ്രിന്സിപ്പല് സെഷന്സ് കോടതി മുന്കൂര് ജാമ്യ ഹരജി തള്ളിയതിന് പിന്നാലെയാണ് പി പി ദിവ്യ കീഴടങ്ങിയത്
Latest
തെറ്റ് പറ്റിയെന്ന് നവീന് ബാബു പറഞ്ഞു; തന്റെ മൊഴി പൂര്ണമായി പുറത്തുവന്നിട്ടില്ലെന്നും കലക്ടര്
ഉപ്പട ആനക്കല്ലില് ഭൂമിക്കടിയില് നിന്നും വീണ്ടും മുഴക്കം; പരിഭ്രാന്തിയിലായി ജനങ്ങള്
അറസ്റ്റ് നാടകമാണെന്ന വിമര്ശനം ശുദ്ധ അസംബന്ധം ; ദിവ്യക്കെതിരായ നടപടി പാര്ട്ടിയുടെ ആഭ്യന്തര പ്രശ്നം : എം വി ഗോവിന്ദന്
കാക്കനാട് ബസും ലോറിയും കൂട്ടിയിടിച്ച് ഒരു മരണം; നിരവധി പേര്ക്ക് പരുക്ക്
സിനിമ എഡിറ്റര് നിഷാദ് യൂസഫ് മരിച്ച നിലയില്
രാജസ്ഥാനില് ബസ് മേല്പ്പാലത്തിന്റെ മതിലിലേക്ക് ഇടിച്ചു കയറി അപകടം; 12 മരണം
