National
ഗുജറാത്തില്‍ സാന്നിധ്യമറിച്ചു; ദേശീയ പാര്‍ട്ടി പദവിയിലേക്ക് പറക്കാനൊരുങ്ങി എ എ പി
ബി ജെ പിയുടെ മണ്ണില്‍ കോണ്‍ഗ്രസ് വോട്ടുകള്‍ ഭിന്നിപ്പിച്ച് തങ്ങള്‍ക്ക് അനുകൂലമാക്കാന്‍ പാര്‍ട്ടിക്ക് കഴിഞ്ഞു.
ഗാന്ധിനഗര്‍ | ഗുജറാത്ത് നിയമസഭാ തിരഞ്ഞെടുപ്പിലെ ബി ജെ പിയുടെ തേരോട്ടത്തില്‍ കോണ്‍ഗ്രസ് തകര്‍ന്നടിയുമ്പോഴും സാന്നിധ്യമറിയിച്ച് ആം ആദ്മി പാര്‍ട്ടി. കോണ്‍ഗ്രസിനെ മറികടന്ന് പ്രതിപക്ഷ പാര്‍ട്ടി സ്ഥാനത്തേക്ക് ഉയരാനുള്ള നിര്‍ണായക ചുവടുവെപ്പാണ് എ എ പിയുടെ പ്രകടനമെന്നാണ് രാഷ്ട്രീയ നിരീക്ഷകരുടെ വിലയിരുത്തല്‍. ഡല്‍ഹിയില്‍ മുനിസിപ്പല്‍ തിരഞ്ഞെടുപ്പില്‍ വന്‍ വിജയം നേടിയ എ എ പി ചരിത്രപരമായ മറ്റൊരു നാഴികക്കല്ല് കൂടി പിന്നിടാനിരിക്കുകയാണ്. ഗുജറാത്തിലെ മികച്ച പ്രകടനത്തോടെ ദേശീയ പാര്‍ട്ടി എന്ന പദവിയിലേക്ക് പറക്കാനൊരുങ്ങുകയാണ് അരവിന്ദ് കെജ്രിവാളിന്റെ പാര്‍ട്ടി. നിലവില്‍ ആറ് സീറ്റുകളില്‍ എ എ പിക്ക് ലീഡുണ്ട്. രണ്ട് സീറ്റും ആറ് ശതമാനം വോട്ടുമാണ് ദേശീയ പാര്‍ട്ടിയാകാന്‍ എ എ പിക്ക് വേണ്ടത്.
ഡല്‍ഹിയിലും പഞ്ചാബിലും നേടിയ തിളക്കമാര്‍ന്ന വിജയത്തിന്റെ ആത്മവിശ്വാസവുമായാണ് എ എ പി ഗുജറാത്തിലും ഒരു കൈ നോക്കാനിറങ്ങിയത്. 27 വര്‍ഷമായി സംസ്ഥാനം ഭരിക്കുന്ന ബി ജെ പിക്കും പ്രതിപക്ഷമായ കോണ്‍ഗ്രസിനുമെതിരെ കളത്തിലിറങ്ങിയ എ എ പി ഇരു പാര്‍ട്ടികളുടെയും കണക്കുകൂട്ടലുകളെ തെറ്റിക്കുന്ന പ്രകടനമാണ് നടത്തിയത്. ബി ജെ പിയുടെ മണ്ണില്‍ കോണ്‍ഗ്രസ് വോട്ടുകള്‍ ഭിന്നിപ്പിച്ച് തങ്ങള്‍ക്ക് അനുകൂലമാക്കാന്‍ പാര്‍ട്ടിക്ക് കഴിഞ്ഞു.
Latest
ലോക ചെസ്സ് ചാമ്പ്യന്‍ഷിപ്പ്: ഡി ഗുകേഷിന് തോല്‍വിത്തുടക്കം
മുനമ്പം: വഖ്ഫ് സംരക്ഷണ സമിതി ഭാരവാഹികള്‍ ഡോ. അസ്ഹരിയെ സന്ദര്‍ശിച്ച് ചര്‍ച്ച നടത്തി
മുനമ്പം സാമുദായിക വിഷയമല്ല; സ്വത്തു തര്‍ക്കം മാത്രം: ഡോ. അസ്ഹരി
മാനവ സഞ്ചാരം: ഐക്യത്തിന്റെ സന്ദേശം ആവോളം; വാണിജ്യ നഗരത്തില്‍ ഉജ്ജ്വല വരവേല്‍പ്പ്
ആദിവാസികളുടെ കുടിലുകള്‍ വനംവകുപ്പ് ഉദ്യോഗസ്ഥര്‍ പൊളിച്ചു നീക്കി; റിപ്പോര്‍ട്ട് ആവശ്യപ്പെട്ട് മന്ത്രി
രാജിക്കൊരുങ്ങി പാലക്കാട്ടെ ബി ജെ പി കൗണ്‍സിലര്‍മാര്‍; വരവേല്‍ക്കാന്‍ ഒരുങ്ങി കോണ്‍ഗ്രസ്
