പ്രധാന മന്ത്രി കൊച്ചിയില്‍; റോഡ് ഷോ ആരംഭിച്ചു

കൊച്ചി | ദ്വിദിന സന്ദര്‍ശനാര്‍ഥം പ്രധാന മന്ത്രി നരേന്ദ്ര മോദി കേരളത്തിലെത്തി. വൈകിട്ട് 5.10ഓടെ കൊച്ചി വെല്ലിംഗ്ടണ്‍ ഐലന്‍ഡിലെ നാവികസേനാ വിമാനത്താവളത്തിലാണ് അദ്ദേഹം വിമാനമിറങ്ങിയത്. പ്രധാന മന്ത്രിയുടെ റോഡ് ഷോ ആരംഭിച്ചിട്ടുണ്ട്. വെണ്ടുരുത്തി പാലം കടന്ന് തേവരയിലെ വേദിയിലേക്കാണ് മെഗാ റോഡ് ഷോ എത്തിച്ചേരുക.

ആറിന് സേക്രഡ് ഹാര്‍ട്ട് കോളജില്‍ നടക്കുന്ന ബി ജെ പിയുടെ യുവം പരിപാടി പ്രധാന മന്ത്രി ഉദ്ഘാടനം ചെയ്യും. ഏഴിന് ക്രൈസ്തവ മേലധ്യക്ഷന്മാരുമായി കൂടിക്കാഴ്ച നടത്തും.

പ്രധാന മന്ത്രിയുടെ സന്ദര്‍ശനാര്‍ഥം കൊച്ചിയിലാകെ കനത്ത സുരക്ഷാ ക്രമീകരണങ്ങളാണ് ഏര്‍പ്പെടുത്തിയിട്ടുള്ളത്.