വടകരയില്‍ സ്വകാര്യ ബസുകള്‍ കൂട്ടിയിടിച്ച് നിരവധി പേര്‍ക്ക് പരുക്ക്

കോഴിക്കോട്  ജില്ലയിലെ വടകരയില്‍ സ്വകാര്യ ബസുകള്‍ കൂട്ടിയിടിച്ച് നിരവധി പേര്‍ക്ക് പരുക്ക്. പരുക്കേറ്റവരെ ജില്ലാ ആശുപത്രിയില്‍ പ്രവേശിപ്പിച്ചു. ഇരു ബസിലും നിറയെ യാത്രക്കാരുണ്ടായിരുന്നു. ആരുടേയും പരുക്ക് ഗുരുതരമല്ലെന്നാണ് റിപ്പോര്‍ട്ട്.

ഇന്ന് രാവിലെ ഒമ്പത് മണിയോടെയാണ് കോഴിക്കോട്- കണ്ണൂര്‍ റൂട്ടിലോടുന്ന ബസുകള്‍ കൂട്ടിയിടിച്ചത്. ബസുകളുടെ അമിത വേഗതയും മത്സര ഓട്ടവുമാണ് അപകടത്തിനിടയാക്കിയതെന്ന് ദൃസാക്ഷികള്‍ പറഞ്ഞു. കോഴിക്കോട് നിന്നും കണ്ണൂരിലേക്ക് മിനുട്ടുകളുടെ വിത്യാസത്തിനാണ് ബസുകള്‍ സര്‍വ്വീസ് നടത്തുന്നത്. ഇതിനാല്‍ മത്സരയോട്ടം പതിവാണെന്ന് യാത്രക്കാരും പറയുന്നു.