Kerala
ഖത്തറിലെ പ്രമുഖ മലയാളി വ്യവസായി കെ മുഹമ്മദ് ഈസ അന്തരിച്ചു
ഖബറടക്കം ഇന്ന് രാത്രി 7 മണിക്ക് ഖത്തറിലെ അബൂഹമൂര്‍ ഖബര്‍ സ്ഥാനില്‍ നടക്കും.
ദോഹ|ഖത്തറിലെ പ്രമുഖ മലയാളി വ്യവസായിയും കെ എം സി സി ഖത്തര്‍ സംസ്ഥാന സീനിയര്‍ വൈസ് പ്രസിഡണ്ടുമായ കെ മുഹമ്മദ് ഈസ (70) അന്തരിച്ചു. ന്യൂമോണിയ ബാധിതനായി ചികിത്സയില്‍ കഴിയുന്നതിനിടെ ബുധനാഴ്ച പുലര്‍ച്ചെ ഖത്തറിലെ ഹമദ് മെഡിക്കല്‍ കോര്‍പറേഷന്‍ ആശുപത്രിയിലായിരുന്നു അന്ത്യം. ഖബറടക്കം ഇന്ന് രാത്രി 7 മണിക്ക് ഖത്തറിലെ അബൂഹമൂര്‍ ഖബര്‍ സ്ഥാനില്‍ നടക്കും.
മലപ്പുറം കുറ്റിപ്പുറം സ്വദേശിയായ മുഹമ്മദ് ഈസ ഖത്തറിലെ പ്രശസ്തമായ അലി ഇന്റര്‍നാഷണല്‍ ഗ്രൂപ്പ് ജനറല്‍ മാനേജറായിരുന്നു. ജീവകാരുണ്യ പ്രവര്‍ത്തനങ്ങളിലും മത-സാമൂഹിക രംഗത്തും കലാ – സാംസ്‌കാരിക മേഖലകളിലും നിറ സാന്നിധ്യമായിരുന്നു അദ്ദേഹം. ഫുട്‌ബോള്‍ സംഘാടകനും മാപ്പിളപ്പാട്ട് ഗായകനും ആസ്വാദകനുമെന്ന നിലയില്‍ നാലു പതിറ്റാണ്ടിലേറെ ഖത്തറിലെയും കേരളത്തിലെയും കലാകായിക രംഗത്തെ സജീവ സാന്നിധ്യമായിരുന്നു. ഖത്തറിലെ ഏറ്റവും വലിയ ഫുട്‌ബോള്‍ കൂട്ടായ്മയായ ഖിഫിന്റെ വൈസ് പ്രസിഡന്റ് കൂടിയാണ്.
തിരുവനന്തപുരം സിഎച്ച് സെന്റര്‍ വൈസ് പ്രസിഡന്റ്, പെരിന്തല്‍മണ്ണ സിഎച്ച് സെന്റര്‍ ട്രഷറര്‍, ചൂലൂര്‍ സിഎച്ച് സെന്റര്‍ വൈസ് ചെയര്‍മാന്‍ എന്നീ നിരവധി ജീവകാരുണ്യ സ്ഥാപനങ്ങളുടെ പ്രധാന ഭാരവാഹിത്വം വഹിച്ചു വരികയായിരുന്നു. പതിറ്റാണ്ടുകളായി കുടുംബസമേതം ഖത്തറിലാണ് താമസം. ഭാര്യ: നസീമ, മക്കള്‍: നൗഫല്‍ മുഹമ്മദ് ഈസ, നാദിര്‍ ഈസ, നമീര്‍ ഈസ, റജില, മരുമകന്‍: ആസാദ്.
Latest
സിഖ് വിരുദ്ധ കലാപം: പിതാവും മകനും കൊല്ലപ്പെട്ട കേസില്‍ കോണ്‍ഗ്രസ്സ് മുന്‍ എം പി. സജ്ജന്‍കുമാര്‍ കുറ്റക്കാരന്‍
സ്വകാര്യ സര്‍വകലാശാലക്കെതിരെ എ ഐ എസ് എഫ്; വിദ്യാഭ്യാസം കച്ചവടച്ചരക്കായി മാറുമെന്ന്
യുവതി കെട്ടിടത്തില്‍ നിന്ന് ചാടി മരിച്ച സംഭവത്തില്‍ ഭര്‍ത്താവ് കസ്റ്റഡിയില്‍
കാറിന്റെ ചില്ല് തകര്‍ത്ത് ഏഴ് ലക്ഷത്തോളം രൂപ കവര്‍ന്നു
മദ്യനിർമാണ കമ്പനിക്ക് അനുമതി റദ്ദാക്കണം; യുഡിഎഫ്, ബിജെപി പ്രമേയങ്ങള്‍ പാസാക്കി എലപ്പുള്ളി പഞ്ചായത്ത്
പ്രധാനമന്ത്രിക്കെതിരെ വധഭീഷണി മുഴക്കി; പ്രതി പിടിയില്‍
