National
ബജറ്റ് സമ്മേളനത്തിനിടെ പ്രതിഷേധം; പ്രതിപക്ഷ എംപിമാര്‍ക്കെതിരെ അവകാശലംഘന നടപടി സ്വീകരിക്കും
ഒമ്പത് കോണ്‍ഗ്രസ് എംപിമാര്‍ക്കും മൂന്ന് ആംആദ്മി എംപിമാര്‍ക്കുമെതിരെയാണ് നടപടിയുണ്ടാവുക.
ന്യൂഡല്‍ഹി| പാര്‍ലമെന്റ് ബജറ്റ് സമ്മേളനത്തിനിടെ രാജ്യസഭയില്‍ പ്രതിഷേധിച്ച പ്രതിപക്ഷ എംപിമാര്‍ക്കെതിരെ അവകാശലംഘന നടപടി. 12 എംപിമാര്‍ക്കെതിരെ അന്വേഷണം നടത്താന്‍ ഉപരാഷ്ട്രപതി പ്രിവിലേജ് കമ്മിറ്റിയോട് നിര്‍ദേശിച്ചതായാണ് റിപ്പോര്‍ട്ട്. തുടര്‍ച്ചയായി സഭയുടെ നടുത്തളത്തില്‍ ഇറങ്ങി പ്രതിഷേധിച്ചതിനാണ് നടപടി.
കഴിഞ്ഞ ബജറ്റ് സമ്മേളന കാലയളവില്‍ പാര്‍ലമെന്റില്‍ പ്രതിഷേധിച്ച എംപിമാര്‍ക്കെതിരെയാണ് നടപടി. ഒമ്പത് കോണ്‍ഗ്രസ് എംപിമാര്‍ക്കും മൂന്ന് ആംആദ്മി എംപിമാര്‍ക്കുമെതിരെയാണ് നടപടിയുണ്ടാവുക. രാഷ്ട്രപതിയുടെ നന്ദി പ്രമേയത്തിന്റെ ഭാഗമായുള്ള ചര്‍ച്ചക്കിടെയാണ് എംപിമാര്‍ നടുത്തളത്തിലിറങ്ങിയത്. പ്രധാനമന്ത്രി നരേന്ദ്ര മോദിയും ഗൗതം അദാനിയും തമ്മിലുള്ള ബന്ധം പരിശോധിക്കണമെന്നാവശ്യപ്പെട്ടുകൊണ്ടായിരുന്നു പ്രതിഷേധം.
എംപിമാരായ ശക്തി സിംഗ് ഗോയല്‍, നരന്‍ ഭായ് റസ്വ, സയിദ് നാസര്‍ ഹുസൈന്‍, കുമാര്‍ കെട്കര്‍, ഇമ്രന്‍ പ്രതാപ്ഗാര്‍ഹി, എല്‍ ഹനുമാന്‍തയ്യ, ഫൂലോ ദേവി നേതം, ജെബി മേത്തര്‍ ഹിഷാം, രഞ്ജീത് രഞ്ജന്‍, സഞ്ജയ് സിംഗ്, സുശീല്‍ കുമാര്‍ ഗുപ്ത, സന്ദീപ് കുമാര്‍ പതക് എന്നിവര്‍ക്കെതിരെയാണ് നടപടി എടുക്കുക. ഉപരാഷ്ട്രപതിയുടെ നിര്‍ദേശം പ്രിവിലേജസ് കമ്മിറ്റി അന്വേഷിച്ച് റിപ്പോര്‍ട്ട് സമര്‍പ്പിച്ച ശേഷമായിരിക്കും നടപടികളിലേക്ക് കടക്കുക.
Latest
അങ്കണ്‍വാടിയിലെ ഭക്ഷ്യവിഷബാധ; റിപോര്‍ട്ട് തേടി ഹൈക്കോടതി
കാസര്‍കോട് അബ്ദുല്‍ സലാം വധക്കേസ്; ആറ് പ്രതികള്‍ക്കും ജീവപര്യന്തം തടവും പിഴയും
മുഖ്യമന്ത്രിയുടെ വാഹനവ്യൂഹം വീണ്ടും അപകടത്തില്‍പ്പെട്ടു
ഇരുകൈകളും ബന്ധിച്ച് വേമ്പനാട്ടുകായല്‍ നീന്തിക്കടക്കാന്‍ ഒരുങ്ങി നാലാം ക്ലാസ്സുകാരി
പഞ്ചര്‍ ഒട്ടിക്കുന്നതിനിടെ ടയര്‍ പൊട്ടിത്തെറിച്ച് യുവാവിന് ഗുരുതര പരുക്ക്
വണ്ടിപ്പെരിയാര്‍ പോക്‌സോ കേസ്; പ്രതി കട്ടപ്പന കോടതിയില്‍ ഹാജരായി
