പ്രധാനമന്ത്രി ചായ വിറ്റതുപോലെ പൊതുമേഖലാ സ്ഥാപനങ്ങള്‍ വില്‍ക്കുകയാണ്: തെലങ്കാന മന്ത്രി സി.എച്ച് മല്ല റെഡ്ഡി

ഹൈദരാബാദ്| പ്രധാനമന്ത്രി നരേന്ദ്ര മോദി ഒരിക്കല്‍ ചായ വിറ്റിരുന്ന അതേ പോലെ പൊതുമേഖലാ സ്ഥാപനങ്ങള്‍ വില്‍ക്കുകയാണെന്ന് തെലങ്കാന തൊഴില്‍ മന്ത്രി സി.എച്ച് മല്ല റെഡ്ഡി. കൂടാതെ കേന്ദ്ര ധനമന്ത്രി നിര്‍മല സീതാരാമനെ ‘നിര്‍മലമ്മ’ എന്ന് വിളിച്ച് പരിഹസിക്കുകയും ചെയ്തു. സംസ്ഥാന നിയമസഭയില്‍ സംസാരിക്കുകയായിരുന്നു അദ്ദേഹം.

പ്രധാനമന്ത്രി നരേന്ദ്ര മോദി ഒരിക്കല്‍ ചായ വിറ്റിരുന്നു. ആദ്യം അദ്ദേഹം മുഖ്യമന്ത്രിയായി. പിന്നീട് പ്രധാനമന്ത്രിയായി. അദ്ദേഹത്തെ നാമെല്ലാവരും വിശ്വസിച്ചത് നിര്‍ഭാഗ്യകരമാണ്. പ്രധാനമന്ത്രി പൊതുമേഖലാ സ്ഥാപനങ്ങള്‍ വില്‍ക്കുന്നു. ചായ വിറ്റതിന് സമാനമായാണ് പൊതുമേഖലാ സ്ഥാപനങ്ങള്‍ വില്‍ക്കുന്നതെന്നാണ്തൊഴില്‍ മന്ത്രി പറഞ്ഞത്.