പൊന്നാനിയില്‍ വീണ്ടും പരസ്യ പ്രതിഷേധം; ബ്രാഞ്ച് സമ്മേളന വേദിയിലേക്ക് പ്രകടനം നടത്തി ഒരു വിഭാഗം പ്രവര്‍ത്തകര്‍

മലപ്പുറം | നിയമസഭാ തിരഞ്ഞെടുപ്പില്‍ സ്ഥാനാര്‍ഥി നിര്‍ണ്ണയത്തിനെതിരെ പരസ്യ പ്രതിഷേധം നടത്തിയവര്‍ക്കെതിരെ അച്ചടക്ക നടപടി എടുത്തതിനെതിരെ പൊന്നാനിയില്‍ പ്രതിഷേധം. പുതുപൊന്നാനി ബ്രാഞ്ച് സമ്മേളന വേദിയിലേക്ക് ഒരു വിഭാഗം പാര്‍ട്ടി പ്രവര്‍ത്തകര്‍ പ്രകടനം നടത്തി.

നേരത്തെ ടി എം സിദ്ധീഖിനെ തരംതാഴ്ത്താന്‍ ജില്ലാ കമ്മിറ്റി ശുപാര്‍ശ ചെയ്തിരുന്നു. ഈ നടപടി പിന്‍വലിക്കണമെന്ന് ആവശ്യപ്പെട്ടാണ് പ്രകടനം.

നിയമസഭാ തിരഞ്ഞെടുപ്പില്‍ ടി എം സിദ്ധീഖിന് സീറ്റ് നിഷേധിച്ച് നന്ദകുമാറിനെ സ്ഥാനാര്‍ഥിയാക്കിയതില്‍ പ്രതിഷേധിച്ച് പരസ്യ പ്രതിഷേധം നടന്നിരുന്നു. ഇതിന് നേതൃത്വം നല്‍കിയവര്‍ക്കെതിരെയാണ് പാര്‍ട്ടി അച്ചടക്ക നടപടി സ്വീകരിച്ചിരുന്നത്.