punjab congress issue
സിദ്ധുവിന്റെ എതിര്‍പ്പ് മറികടന്ന് നിയമിച്ച പഞ്ചാബ് എ ജി രാജിവെച്ചു
ക്യാപ്റ്റന്‍ അമരീന്ദര്‍ സിംഗിന്റെ രാജിക്ക് പിന്നാലെ നിലവിലെ എ ജി അതുല്‍ നന്ദ രാജിവെച്ച ഒഴിവിലേക്കായിരുന്നു ഡിയോള്‍ നിയമിതനായിരുന്നത്
ചണ്ഡീഗഢ് | പഞ്ചാബില്‍ അഡ്വക്കേറ്റ് ജനറല്‍ ആയി നിയമിതനായി ഒരു മാസം പിന്നിട്ടതിന് പിന്നാലെ എ പി എസ് ഡിയോള്‍ സ്ഥാനം രാജിവെച്ചു. ഡിയോളിന്റെ അഡ്വക്കേറ്റ് ജനറലായുള്ള നിയമനത്തില്‍ പി സി സി അധ്യക്ഷന്‍ നവ്‌ജ്യോത് സിംഗ് സിദ്ധു കടുത്ത എതിര്‍പ്പ് അറിയിച്ചിരുന്നു.
രാജിക്കത്ത് ഇന്ന് മുഖ്യമന്ത്രി ചരണ്‍ജിത്ത് സിംഗ് ചന്നിക്ക് കൈമാറി. ക്യാപ്റ്റന്‍ അമരീന്ദര്‍ സിംഗിന്റെ രാജിക്ക് പിന്നാലെ നിലവിലെ എ ജി അതുല്‍ നന്ദ രാജിവെച്ച ഒഴിവിലേക്കായിരുന്നു ഡിയോള്‍ നിയമിതനായിരുന്നത്. സിദ്ധുവിന് താത്പര്യമുള്ള മുഖങ്ങളെ ഉദ്യോഗസ്ഥ തലത്തില്‍ നിയമിക്കാതിരുന്നതിനെത്തുടര്‍ന്നാണ് പി സി സി അധ്യക്ഷ സ്ഥാനത്ത് നിന്ന് സിദ്ധു രാജി സന്നദ്ധത അറിയിച്ചിരുന്നത്. എന്നാല്‍, രാജി ഹൈക്കമാന്‍ഡ് പിന്‍വലിപ്പിക്കുകയായിരുന്നു.
ഡിയോളിന്റേത് പുറമെ ഡി ജി പിയായി ഇക്ബാല്‍ പ്രീത് സിംഗിന്റെ നിയമനത്തിലും സിദ്ധു കടുത്ത എതിര്‍പ്പ് അറിയിച്ചിരുന്നു.
Latest
അബുദബി ഇന്ത്യ സോഷ്യല്‍ ആന്‍ഡ് കള്‍ചറല്‍ സെന്റര്‍ 58 മത് സ്ഥാപക ദിനമാചരിച്ചു
പുതിയ രാഷ്ട്രീയ പാര്‍ട്ടി രൂപീകരിച്ച് സ്വര്‍ഗത്തിലെത്താമെന്ന് കരുതുന്നില്ല; പാംപ്ലാനിയെ തള്ളി പാലാ ബിഷപ്പ്
വീട്ടില്‍ നിന്നും എംഡിഎംഎ അടക്കമുള്ള ലഹരിയുല്‍പ്പന്നങ്ങളും തൂക്കുന്ന മെഷീനും പിടിച്ചെടുത്തു; പ്രതി ഓടി രക്ഷപ്പെട്ടു
യുവാവിനെ മരിച്ച നിലയില്‍ കണ്ടെത്തിയ സംഭവം കൊലപാതകം; സുഹൃത്ത് അറസ്റ്റില്‍
ഐ എസ് സിയില്‍ നാല് പതിറ്റാണ്ട് പൂര്‍ത്തിയാക്കിയ ജനറല്‍ മാനേജര്‍ റ്റോമി മില്ലറിനെ ആദരിച്ചു.
അല്‍ ബസ്മല ദര്‍സ് പഠനാരംഭം 10ന് മര്‍കസില്‍
