Kerala
പുരപ്പുറ സൗരോര്‍ജ നിലയം: ആകര്‍ഷകമായ സബ്‌സിഡിയുമായി കെ എസ് ഇ ബി
തിരുവനന്തപുരം | ആകര്‍ഷകമായ സബ്‌സിഡിയോടെ പുരപ്പുര സൗരോര്‍ജ നിലയം മൂന്ന് മാസത്തിനകം സ്ഥാപിക്കാന്‍ കെ എസ് ഇ ബി അവസരമൊരുക്കുന്നു. സൗര സബ്‌സിഡി പദ്ധതിയുടെ ഭാഗമായി മൂന്ന് കിലോവാട്ടിന് മുകളില്‍ പത്ത് കിലോവാട്ട് വരെ ശേഷിയുള്ള സൗര നിലയങ്ങള്‍ സ്ഥാപിക്കാന്‍ താല്പര്യമുള്ള ഗാര്‍ഹിക ഉപഭോക്താക്കളുടെ വിവരശേഖരണം കെ എസ് ഇ ബി ആരംഭിച്ചു.
കെ എസ് ഇ ബി വെബ്‌സൈറ്റില്‍ നല്‍കിയിട്ടുള്ള നോട്ടിഫിക്കേഷനില്‍ ക്ലിക്ക് ചെയ്താല്‍ ഉപഭോക്താവിന് താല്പര്യം രേഖപ്പെടുത്താനുള്ള ലിങ്ക് ലഭ്യമാവും. ഇങ്ങനെ താത്പര്യം രേഖപ്പെടുത്തുന്ന ഉപഭോക്താക്കളുടെ വിവരങ്ങള്‍ സൗര സബ്‌സിഡി പദ്ധതിയില്‍ എംപാനല്‍ ചെയ്തിട്ടുള്ള കമ്പനികള്‍ക്ക് കൈമാറും. ഈ കമ്പനികള്‍ ഉപഭോക്താവിന്റെ പുരപ്പുറത്ത് സൗരനിലയം സ്ഥാപിക്കുന്നതിനുള്ള സാധ്യത പരിശോധിച്ച ശേഷം സാധ്യമാവുന്ന നിലയശേഷിയും, നിലയം സ്ഥാപിക്കാനുള്ള ആകെ മുതല്‍ മുടക്കും ഉപഭോക്താവിനെ അറിയിക്കും.
ഇങ്ങനെ ലഭിക്കുന്ന വിവരങ്ങളുടെ അടിസ്ഥാനത്തില്‍ ഇ കിരണ്‍ (ekiran.kseb.in) പോര്‍ട്ടല്‍ മുഖേന ഉപഭോക്താവിന് സബ്‌സിഡിയോടുകൂടി നിലയം സ്ഥാപിക്കുന്നതിനുള്ള അപേക്ഷ ഫീസും അപേക്ഷയും ഓണ്‍ലൈനായി നല്‍കാം. തുടര്‍ന്ന് കരാര്‍ പ്രകാരം മൂന്ന് മാസത്തിനകം ഉപഭോക്താവിന് നിലയം ലഭ്യമാവുമെന്നും കെ എസ് ഇ ബി അറിയിച്ചു.
Latest
ഷാര്‍ജയില്‍ 7-ഡേ സോണുകളില്‍ പാര്‍ക്കിംഗ് സമയം നീട്ടി
'എര്‍ത്ത് സായിദ് ഫിലാന്ത്രോപീസ്'; യു എ ഇ പുതിയ ജീവകാരുണ്യ പ്രവര്‍ത്തനങ്ങള്‍ ആരംഭിച്ചു
വയനാട് ഉപതിരഞ്ഞെടുപ്പില്‍ സൂക്ഷ്മ പരിശോധന പൂര്‍ത്തിയായി; മത്സര രംഗത്ത് 16 പേര്‍
പൂരപ്പറമ്പിലെത്തിയത് ആംബുലന്‍സിലല്ല; പൂരം കലക്കലില്‍ സിബിഐ അന്വേഷണം വേണം: സുരേഷ് ഗോപി
തിരുവനന്തപുരത്ത് മുഖ്യമന്ത്രിയുടെ അഞ്ച് എസ്‌കോര്‍ട്ട് വാഹനങ്ങള്‍ കൂട്ടിയിടിച്ചു; സംഭവം സ്‌കൂട്ടര്‍ യാത്രക്കാരിയെ രക്ഷിക്കാന്‍ ശ്രമിക്കവെ
എന്‍ജിനീയറിങ് ലൈസന്‍സ് റദ്ദാക്കി; കലക്ടറേറ്റില്‍ ആത്മഹത്യക്ക് ശ്രമിച്ച് യുവതി
