National
ഖാഇദേ മില്ലത് സെന്റര്‍; ഉദ്ഘാടനം മെയ് 25 ന്
ദേശീയ തലത്തിലെ മുസ്‌ലിം ലീഗിന്റെ പ്രവര്‍ത്തനങ്ങള്‍ക്ക് കൂടുതല്‍ ഊര്‍ജം പകരുന്നതാവും ഖാഇദേ മില്ലത് സെന്ററെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍.
ന്യൂഡല്‍ഹി | ഇന്ത്യന്‍ യൂണിയന്‍ മുസ്‌ലിം ലീഗ് ദേശീയ ആസ്ഥാന മന്ദിരം ഖാഇദേ മില്ലത് സെന്റര്‍ മെയ് 25 ന് ഉദ്ഘാടനം ചെയ്യും. ദാരിയാഗഞ്ചില്‍ നിര്‍മിക്കുന്ന ഓഫീസ് സന്ദര്‍ശിച്ച് നേതാക്കള്‍ നിര്‍മാണ പുരോഗതി വിലയിരുത്തി. ആറ് നിലകളിലായി ദേശീയ കമ്മിറ്റി ഓഫീസ്, പോഷക സംഘടനാ ഓഫീസുകള്‍, ആധുനിക സൗകര്യങ്ങളുള്ള കോണ്‍ഫറന്‍സ് ഹാള്‍, ലൈബ്രറി, റീഡിംഗ്& റിസര്‍ച്ച് ഹാള്‍, പ്രെയര്‍ ഹാള്‍, ഗസ്റ്റ് റൂം, കഫ്ത്തീരിയ എന്നീ സൗകര്യങ്ങളാണ് ദേശീയ ആസ്ഥാനത്ത് ഒരുങ്ങുന്നത്. ദേശീയ തലത്തിലെ മുസ്‌ലിം ലീഗിന്റെ പ്രവര്‍ത്തനങ്ങള്‍ക്ക് കൂടുതല്‍ ഊര്‍ജം പകരുന്നതാവും ഖാഇദേ മില്ലത് സെന്ററെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു.
പൊളിറ്റിക്കല്‍ അഫയേഴ്സ് കമ്മിറ്റി ചെയര്‍മാന്‍ സയ്യിദ് സാദിഖലി ശിഹാബ് തങ്ങള്‍, മുസ്‌ലിം ലീഗ് ദേശീയ പ്രസിഡന്റ് പ്രൊഫ. ഖാദര്‍ മൊയ്തീന്‍, ജനറല്‍ സെക്രട്ടറി പി കെ കുഞ്ഞാലിക്കുട്ടി, ട്രഷറര്‍ പി വി അബ്ദുല്‍ വഹാബ് എം പി, ഓര്‍ഗനൈസിംഗ് സെക്രട്ടറി ഇ ടി മുഹമ്മദ് ബഷീര്‍ എം പി, സയ്യിദ് അബ്ബാസലി ശിഹാബ് തങ്ങള്‍, ദേശീയ സെക്രട്ടറി ഖുറം അനീസ്, നവാസ് ഗനി എം പി, അഡ്വ. ഹാരിസ് ബീരാന്‍ എം പി, പി കെ ബഷീര്‍ എം എല്‍ എ, പി എം എ സമീര്‍, അഹമ്മദ് സാജു, പി കെ നവാസ്, സി കെ നജാഫ്, കെ കെ മുഹമ്മദ് ഹലീം എന്നിവരുടെ നേതൃത്വത്തിലാണ് ഓഫീസ് സന്ദര്‍ശിച്ചത്.
ദേശീയ ആസ്ഥാനത്തിന്റെ ഉദ്ഘാടനത്തോടനുബന്ധിച്ച് നടക്കുന്ന ദേശീയ പ്രതിനിധി സമ്മേളനം 25ന് താല്‍ക്കത്തോറ സ്റ്റേഡിയത്തില്‍ നടക്കും.
Latest
ചിലര്‍ അവിഹിതമായി സ്ഥാനമാനങ്ങള്‍ നേടുന്നു; മലപ്പുറത്ത് യൂത്ത് ലീഗ് കമ്മിറ്റികളുടെ രാജി തുടരുന്നു
മയക്കുമരുന്ന് തടയല്‍; വിദ്യാര്‍ഥി-സാംസ്‌കാരിക സംഘടനാ പ്രതിനിധികളുടെ യോഗം വിളിച്ച് മുഖ്യമന്ത്രി
കൈക്കൂലി വാങ്ങിയ കോഴിക്കോട് നഗരസഭ ക്ലീന്‍ സിറ്റി മാനേജര്‍ വിജിലന്‍സ് പിടിയില്‍
കണ്ണൂരില്‍ കരാറുകാരന്‍ വീട്ടുടമയെ വെടിവച്ചുകൊന്നു
ആശ വര്‍ക്കര്‍മാരുടെ ഓണറേറിയം കേന്ദ്രം വര്‍ധിപ്പിക്കുന്നതിന് അനുസരിച്ച് സംസ്ഥാനവും വര്‍ധിപ്പിക്കും: മുഖ്യമന്ത്രി
വിദ്യാര്‍ഥിയെ മര്‍ദിച്ചു; നാല് സീനിയര്‍ വിദ്യാര്‍ഥികള്‍ക്കെതിരെ കേസ്
