National
അടുത്ത ലോക്‌സഭാ തെരഞ്ഞെടുപ്പില്‍ രാഹുല്‍ ഗാന്ധി പ്രധാനമന്ത്രിയാകും: സിദ്ധരാമയ്യ
കര്‍ണാടകത്തിലെ ജനവിധി പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ, ബിജെപി ദേശീയ അധ്യക്ഷന്‍ ജെ പി നദ്ദ എന്നിവര്‍ക്കുള്ള മറുപടിയാണെന്നും സിദ്ധരാമയ്യ പറഞ്ഞു.
ബെംഗളുരു| 2024ലെ ലോക്‌സഭാ തെരഞ്ഞെടുപ്പില്‍ രാഹുല്‍ ഗാന്ധി പ്രധാനമന്ത്രിയാകുമെന്ന് കോണ്‍ഗ്രസ് നേതാവ് സിദ്ധരാമയ്യ. കര്‍ണാടക നിയമസഭാ തെരഞ്ഞെടുപ്പിലെ കോണ്‍ഗ്രസിന്റെ വിജയത്തില്‍ പ്രതികരിക്കുകയായിരുന്നു അദ്ദേഹം. കര്‍ണാടകത്തിലെ ജനവിധി പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ, ബിജെപി ദേശീയ അധ്യക്ഷന്‍ ജെ പി നദ്ദ എന്നിവര്‍ക്കുള്ള മറുപടിയാണെന്നും സിദ്ധരാമയ്യ പറഞ്ഞു. പ്രധാനമന്ത്രി 20 തവണയാണ് കര്‍ണാടകത്തില്‍ എത്തിയത്. ഒരു പ്രധാനമന്ത്രിയും ഇത്തരത്തില്‍ പ്രചാരണം നടത്തിയിട്ടില്ലെന്നും അദ്ദേഹം കൂട്ടിച്ചേര്‍ത്തു.
ഇത് മതേതര പാര്‍ട്ടിയുടെ വിജയമാണ്. സ്ഥിരതയുള്ള സര്‍ക്കാരിനെയാണ് ജനങ്ങള്‍ ആഗ്രഹിച്ചതെന്നും അതിനാലാണ് കോണ്‍ഗ്രസിനു ജനവിധി അനുകൂലമായതെന്നും സിദ്ധരാമയ്യ പറഞ്ഞു. കര്‍ണാടകത്തിലെ ജനങ്ങളോട് നന്ദി പറഞ്ഞ് എഐസിസി അധ്യക്ഷന്‍ മല്ലികാര്‍ജുന്‍ ഖാര്‍ഗെയും രംഗത്തെത്തി. കോണ്‍ഗ്രസിലുള്ള ജനങ്ങളുടെ വിശ്വാസം പാര്‍ട്ടി ഉയര്‍ത്തിപ്പിടിക്കുമെന്നും പ്രകടനപത്രികയില്‍ പ്രഖ്യാപിച്ച എല്ലാ ക്ഷേമപദ്ധതികളും നടപ്പാക്കുമെന്നും ഖാര്‍ഗെ പ്രതികരിച്ചു.
Latest
വോട്ടെണ്ണല് രാവിലെ എട്ടുമുതല്; ബത്തേരി സ്ട്രോങ്ങ് റൂം തുറന്നു
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്
ഹജ്ജ് കമ്മിറ്റി അംഗങ്ങളായി; ചെയര്മാന് തിരഞ്ഞെടുപ്പ് ഉടന്
പെണ്മക്കളെ പീഡിപ്പിച്ച കേസില് അച്ഛനെ രാജാക്കാട് പോലീസ് അറസ്റ്റ് ചെയ്തു
കാട്ടാന വനപാലകരുടെ ജീപ്പ് മറിച്ചിട്ടു;രണ്ടുപേര്ക്ക് പരിക്ക്
സന്നിധാനത്ത് ഇതുവരെ പിടികൂടിയത് 33 പാമ്പുകളെ
