Ongoing News
ചെറിയ ലക്ഷ്യത്തില്‍ എത്താനാകാതെ രാജസ്ഥാന്; ലക്‌നോയോട് 10 റണ്‍സിനു തോറ്റു
ലക്നോയെ ഏഴ് വിക്കറ്റ് നഷ്ടത്തില്‍ 154 റണ്‍സിന് പിടിച്ചുകെട്ടാന്‍ രാജസ്ഥാന് കഴിഞ്ഞു. എന്നാല്‍, മറുപടി ബാറ്റിങില്‍ 144 റണ്‍സ് എടുക്കാനേ അവര്‍ക്ക് കഴിഞ്ഞുള്ളൂ.
ജയ്പുര്‍ | മുന്നിലുണ്ടായിരുന്നത് ചെറിയ ലക്ഷ്യം. എന്നിട്ടും അതിലേക്കെത്താന്‍ കഴിയാതെ രാജസ്ഥാന് റോയല്‍സ്. ലക്‌നോ സൂപ്പര്‍ ജയന്റ്‌സിനോട് 10 റണ്‍സിനാണ് രാജസ്ഥാന് അടിയറവ് പറഞ്ഞത്.
ടോസ് ലഭിച്ച രാജസ്ഥാന്, ലക്നോയെ ബാറ്റിങിനയക്കുകയായിരുന്നു. തീരുമാനം ശരിയായിരുന്നുവെന്ന് തെളിയിക്കും വിധം ലക്നോയെ ഏഴ് വിക്കറ്റ് നഷ്ടത്തില്‍ 154 റണ്‍സിന് പിടിച്ചുകെട്ടാന്‍ രാജസ്ഥാന് കഴിഞ്ഞു. എന്നാല്‍, ചെറിയ ലക്ഷ്യം പിന്തുടര്‍ന്ന രാജസ്ഥാന് അത് എത്തിപ്പിടിക്കാന്‍ കഴിഞ്ഞില്ല. നിശ്ചിത ഓവറില്‍ ആറ് വിക്കറ്റ് നഷ്ടത്തില്‍ 144 റണ്‍സ് എടുക്കാനേ അവര്‍ക്ക് കഴിഞ്ഞുള്ളൂ.
യശസ്വി ജയ്‌സ്വാള്‍, ജോസ് ബട്‌ലര്‍, ദേവ്ദത്ത് പടിക്കല്‍ എന്നിവരുടെ മികച്ച പ്രകടനമാണ് രാജസ്ഥാനെ ലക്ഷ്യത്തിന് അരികിലെങ്കിലുമെത്തിച്ചത്. ജയ്‌സ്വാള്‍ 35 പന്തില്‍ 44ഉം ബട്‌ലര്‍ 41 പന്തില്‍ 40ഉം പടിക്കല്‍ 21ല്‍ 26ഉം റണ്‍സ് നേടി. ലക്‌നോക്കു വേണ്ടി ആവേശ് ഖാന്‍ നാലോവറില്‍ 25 റ്ണ്‍സ് മാത്രം വഴങ്ങി മൂന്ന് വിക്കറ്റെടുത്തു. മാര്‍കസ് സ്‌റ്റോയിനിസിന് രണ്ട് വിക്കറ്റ് ലഭിച്ചു.
നേരത്തെ, കയ്‌ലേ മയേഴ്‌സ് (42ല്‍ 51), കെ എല്‍ രാഹുല്‍ (32ല്‍ 39), നിക്കോളസ് പൂരന്‍ (20ല്‍ 29) എന്നിവരാണ് ലക്നോയെ 154ല്‍ എത്താന്‍ സഹായിച്ചത്. രാജസ്ഥാനായി അശ്വിന്‍ രണ്ടും ട്രെന്റ് ബോള്‍ട്ടും സന്ദീപ് ശര്‍മയും ഓരോന്നും വിക്കറ്റ് നേടി.
Latest
കോങ്ങാട് ബസ് മറിഞ്ഞ് നിരവധിപ്പേര്‍ക്ക് പരിക്ക്
മാട്രിമോണിയല്‍ സൈറ്റുകള്‍ വഴി പണം തട്ടിയ കേസ്; ദമ്പതികള്‍ അറസ്റ്റില്‍
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ദൃശ്യങ്ങള്‍ പ്രചരിപ്പിച്ചു; പ്രതിക്ക് 12 വര്‍ഷം കഠിനതടവും 2.1 ലക്ഷം രൂപ പിഴയും
ശൈഖ് അബൂബക്കര്‍ ഫൗണ്ടേഷന്‍ സ്‌കോളര്‍ സ്പാര്‍ക് ടാലന്റ് ഹണ്ട് പരീക്ഷ: അപേക്ഷ ക്ഷണിച്ചു
നെടുമ്പാശ്ശേരി വിമാനത്താവളത്തില്‍ ഏഴരക്കോടിയുടെ കഞ്ചാവ് പിടിച്ചെടുത്തു; മൂന്നുപേര്‍ അറസ്റ്റില്‍
നമ്മള്‍ ഇന്ത്യക്ക് പുറത്തുള്ളവരാണോ, പുറന്തള്ളപ്പെടേണ്ടവരാണോ; കേന്ദ്ര അവഗണനക്കെതിരെ മുഖ്യമന്ത്രി
