Malappuram
റമസാന്‍ 27-ാം രാവ് പ്രാര്‍ഥനാ സമ്മേളനം ഇന്ന് സ്വലാത്ത് നഗറില്‍; വിശ്വാസി സാഗരമിരമ്പും
വെള്ളിയാഴ്ച രാവും റമസാന്‍ 27-ാം രാവും സംഗമിക്കുന്ന ദിനമാണെന്ന പ്രത്യേകത കൂടി ഇന്നത്തെ രാത്രിക്കുണ്ട്.
മലപ്പുറം | ലൈലതുല്‍ ഖദ്ര്‍ പ്രതീക്ഷിക്കപ്പെടുന്ന ഇന്ന് മലപ്പുറം സ്വലാത്ത് നഗറില്‍ നടക്കുന്ന പ്രാര്‍ഥനാ സമ്മേളനത്തില്‍ സംസ്ഥാനത്തിനകത്തും പുറത്തും നിന്നായി വിശ്വാസി സാഗരമിരമ്പും. വെള്ളിയാഴ്ച രാവും റമസാന്‍ 27-ാം രാവും സംഗമിക്കുന്ന ദിനമാണെന്ന പ്രത്യേകത കൂടി ഇന്നത്തെ രാത്രിക്കുണ്ട്. പ്രാര്‍ഥനാ സമ്മേളനത്തിന്റെ മുഴുവന്‍ ഒരുക്കങ്ങളും പൂര്‍ത്തിയായതായി മഅ്ദിന്‍ ചെയര്‍മാന്‍ സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരി അറിയിച്ചു. പ്രധാന വേദിക്ക് പുറമെ വിവിധ ഗ്രൗണ്ടുകളിലും പരിസരത്തെ ഓഡിറ്റോറിയങ്ങളിലും സൗകര്യങ്ങളൊരുക്കിയിട്ടുണ്ട്. നോമ്പ്തുറ-അത്താഴ-മുത്താഴ സൗകര്യവുമുണ്ടാകും. സ്ത്രീകള്‍ക്ക് പ്രത്യേക സജ്ജീകരണങ്ങളുണ്ട്.
രാവിലെ 10 ന് ഖത്മുല്‍ ഖുര്‍ആന്‍, ഉച്ചക്ക് ഒന്നിന് അസ്മാഉല്‍ ബദര്‍ മജ്ലിസ്, വൈകിട്ട് നാലിന് അസ്മാഉല്‍ ഹുസ്നാ റാതീബ് എന്നിവ നടക്കും. ഒരു ലക്ഷം പേര്‍ പങ്കെടുക്കുന്ന മെഗാ ഇഫ്ത്വാര്‍ സംഗമവും നടക്കും. പ്രാര്‍ഥനക്ക് സയ്യിദ് സൈനുല്‍ ആബിദീന്‍ ബാഫഖി മലേഷ്യ നേതൃത്വം നല്‍കും. തറാവീഹ് അടക്കമുള്ള നിസ്‌കാരങ്ങള്‍ പ്രധാന വേദി, മഅ്ദിന്‍ ഗ്രാന്‍ഡ് മസ്ജിദ്, മഅ്ദിന്‍ ഓള്‍ഡ് മസ്ജിദ്, ഓഡിറ്റോറിയങ്ങള്‍ എന്നിവയില്‍ നടക്കും. തസ്ബീഹ് നിസ്‌കാരം, അവ്വാബീന്‍ നിസ്‌കാരം, വിത്ര് നിസ്‌കാരങ്ങളും നടക്കും. വിവിധ നിസ്‌കാരങ്ങള്‍ക്ക് കാഴ്ച പരിമിതനും അന്താരാഷ്ട്ര ഹോളി ഖുര്‍ആന്‍ അവാര്‍ഡ് ജേതാവുമായ ഹാഫിള് ശബീര്‍ അലി നേതൃത്വം നല്‍കും.
രാത്രി ഒമ്പതിന് പ്രധാന ചടങ്ങുകള്‍ ആരംഭിക്കും. അഖിലേന്ത്യാ സുന്നി ജംഇയ്യത്തുല്‍ ഉലമാ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്‌ലിയാര്‍ ഉദ്ഘാടനം നിര്‍വഹിക്കും. സമസ്ത പ്രസിഡന്റ് ഇ സുലൈമാന്‍ മുസ്‌ലിയാര്‍ അധ്യക്ഷത വഹിക്കും. മഅ്ദിന്‍ അക്കാദമി ചെയര്‍മാന്‍ സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരി പ്രതിജ്ഞക്കും സമാപന പ്രാര്‍ഥനക്കും നേതൃത്വം നല്‍കും. ശൈഖ് ഉമര്‍ ബിന്‍ ഹഫീള്, ശൈഖ് സ്വബാഹുദ്ധീന്‍ രിഫാഈ, ശൈഖ് മുഹമ്മദ് അനസ് ഖലഫ് അല്‍ ഈസാവി, പൊന്മള അബ്ദുല്‍ ഖാദിര്‍ മുസ്്ലിയാര്‍, പേരോട് അബ്ദുറഹ്‌മാന്‍ സഖാഫി, ഹജ്ജ് കമ്മിറ്റി ചെയര്‍മാന്‍ സി മുഹമ്മദ് ഫൈസി പ്രസംഗിക്കും. സമസ്ത ട്രഷറര്‍ കോട്ടൂര്‍ കുഞ്ഞമ്മു മുസ്‌ലിയാര്‍, കെ കെ അഹ്‌മദ് കുട്ടി മുസ്‌ലിയാര്‍ കട്ടിപ്പാറ, കെ പി അബൂബക്കര്‍ മുസ്‌ലിയാര്‍ പട്ടുവം, കൂറ്റമ്പാറ അബ്ദുറഹ്‌മാന്‍ ദാരിമി, സയ്യിദ് ത്വാഹാ തങ്ങള്‍ സഖാഫി, പ്രൊഫ. എ കെ അബ്ദുല്‍ ഹമീദ്, ഡോ. മുഹമ്മദ് ഫാറൂഖ് നഈമി, കെ വൈ നിസാമുദ്ധീന്‍ ഫാളിലി, ചാലിയം എ പി അബ്ദുല്‍ കരീം ഹാജി വിവിധ സെഷനുകള്‍ക്ക് നേതൃത്വം നല്‍കും.
പുലര്‍ച്ചെ മൂന്ന് വരെ നീണ്ടുനില്‍ക്കുന്ന പരിപാടിയില്‍ ഖുര്‍ആന്‍ പാരായണം, സ്വലാത്ത്, തഹ്‌ലീല്‍, തൗബ, പ്രാര്‍ഥന എന്നിവ നടക്കും. വിശുദ്ധ ഖുര്‍ആന്‍ പാരായണത്തിനും പഠനത്തിനും ഊന്നല്‍ നല്‍കി ആഗോള തലത്തില്‍ നടന്നു വരുന്ന വേള്‍ഡ് ഖുര്‍ആന്‍ അവറില്‍ പങ്കാളികളാകും. മഅ്ദിന്‍ അക്കാദമിയുടെ വിവിധ സേവനങ്ങള്‍ എല്ലാവര്‍ക്കും എളുപ്പത്തില്‍ ലഭ്യമാക്കുന്നതിനുള്ള മഅ്ദിന്‍ ഫാമിലി ആപ്പ് ലോഗോ പ്രകാശനം നടക്കും. നവ ലോകത്തെ വെല്ലുവിളികള്‍ മത്സര ബുദ്ധിയോടെ നേരിടാന്‍ സെക്കന്‍ഡറി തലം മുതല്‍ തന്നെ വിദ്യാര്‍ഥികളെ പ്രാപ്തരാക്കുന്ന ജൂനിയര്‍ ഐ എ എസ് പദ്ധതിയുടെ ലോഞ്ചിംഗും ചടങ്ങില്‍ നടക്കും.
പ്രാര്‍ഥനാ സമ്മേളനത്തിന്റെ ഭാഗമായുള്ള വിവിധ പരിപാടികള്‍ക്ക് ഇന്നലെ തുടക്കമായി. സമസ്ത സെക്രട്ടറി പൊന്മള അബ്ദുല്‍ ഖാദിര്‍ മുസ്്ലിയാര്‍ ഉദ്ഘാടനം ചെയ്തു. സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരി അധ്യക്ഷത വഹിച്ചു. പൊന്മള മൊയ്തീന്‍ കുട്ടി ബാഖവി, കേരള മുസ്‌ലിം ജമാഅത്ത് ജില്ലാ സെക്രട്ടറി മുസ്തഫ കോഡൂര്‍, എസ് എസ് എഫ് ജില്ലാ സെക്രട്ടറി തജ്മല്‍ ഹുസൈന്‍ പ്രസംഗിച്ചു. തുടര്‍ന്ന് ആരംഭിച്ച 48 മണിക്കൂര്‍ ഇഅ്തികാഫ് ജല്‍സയില്‍ നൂറുകണക്കിന് വിശ്വാസികളാണ് പങ്കുകൊള്ളുന്നത്.
Latest
ഡ്രോൺ നിരോധനം ഘട്ടം ഘട്ടമായി നീക്കുന്നു; അനുമതിക്ക് ഏകീകൃത സംവിധാനം
മഹാരാഷ്ട്രയിലെ ജനങ്ങൾ തന്നോട് ഇങ്ങനെ ചെയ്‌തെന്ന് വിശ്വസിക്കാനാകുന്നില്ല; തിരിച്ചടിയില്‍ പ്രതികരിച്ച് ഉദ്ധവ് താക്കറെ
യു എ ഇയിൽ പുകമഞ്ഞ് കനത്തു; താപനിലയിൽ കുറവ്
സംസ്ഥാനത്ത് അടുത്ത അഞ്ചു ദിവസം ശക്തമായ മഴയ്ക്ക് സാധ്യത
തിരഞ്ഞെടുപ്പിലെ തകര്‍പ്പന്‍ വിജയം; രണ്ടു ദിവസത്തിനകം വയനാട്ടിലെത്തുമെന്ന് പ്രിയങ്കാഗാന്ധി
ബെയ്റൂത്തില്‍ ഇസ്‌റാഈല്‍ വ്യോമാക്രമണം; 20 പേർ കൊല്ലപ്പെട്ടു
