രഞ്ജിത്ത് വധം; പ്രതികളുമായി പോലീസ് തെളിവെടുപ്പ് നടത്തി; സംഘം സഞ്ചരിച്ച ബൈക്ക് കണ്ടെടുത്തു

ആലപ്പുഴ | ആലപ്പുഴയിലെ ബി ജെ പി നേതാവ് രഞ്ജിത്ത് ശ്രീനിവാസനെ കൊലപ്പെടുത്തിയ കേസില്‍ പ്രതികളായ എസ് ഡി പി ഐ പ്രവര്‍ത്തകരുമായി പോലീസ് തെളിവെടുപ്പ് നടത്തി. പ്രതികള്‍ സഞ്ചരിച്ച ബൈക്ക് മുല്ലാത്ത് വളപ്പ് വാര്‍ഡിലെ മാളികപ്പറമ്പില്‍ നിന്ന് കണ്ടെത്തി. ഇവര്‍ കൊലപാതക ദിവസം ധരിച്ച വസ്ത്രങ്ങളും പ്രതികളിലൊരാളുടെ വീട്ടില്‍ നിന്ന് കണ്ടെടുത്തു.

കേസില്‍ ഇതുവരെ 12 പേര്‍ പിടിയിലായിട്ടുണ്ട്. ആറ് ബൈക്കിലായെത്തിയ 12 പേരുള്‍പ്പെട്ട സംഘമാണ് രഞ്ജിത്തിനെ കൊലപ്പെടുത്തിയത്. ഇവരില്‍ നാലുപേര്‍ അറസ്റ്റിലായിട്ടുണ്ട്. നേരിട്ട് കുറ്റകൃത്യത്തില്‍ പങ്കെടുത്തവരുടെ പേരു വിവരങ്ങള്‍ പോലീസ് പുറത്തുവിട്ടിട്ടില്ല.