പീഡന കേസ്; ആകാശ് തില്ലങ്കേരിയുടെ കൂട്ടാളി കസ്റ്റഡിയില്‍

കണ്ണൂര്‍ | യൂത്ത് കോണ്‍ഗ്രസ്സ് പ്രവര്‍ത്തകന്‍ ശുഐബ് വധക്കേസിലെ പ്രതി ആകാശ് തില്ലങ്കേരിയുടെ കൂട്ടാളി ജിജോ തില്ലങ്കേരി കസ്റ്റഡിയില്‍. യുവതിയുടെ പീഡന പരാതിയിലാണ് പോലീസ് നടപടി. മുഴക്കുന്ന് പോലീസ് ആണ് ജിജോയെ കസ്റ്റഡിയിലെടുത്തത്.

പട്ടികജാതിക്കാരിയായ യുവതിയെ പീഡിപ്പിക്കാന്‍ ശ്രമിച്ചുവെന്നാണ് കേസ്. നവംബര്‍ 19നായിരുന്നു കേസിനാസ്പദമായ സംഭവം.

ഭയം കൊണ്ടാണ് പരാതി നല്‍കാന്‍ വൈകിയതെന്ന് യുവതി പറഞ്ഞിരുന്നു. പുറത്തറിഞ്ഞാല്‍ മക്കളെ അപായപ്പെടുത്തുമെന്ന് ഭീഷണിപ്പെടുത്തിയെന്നും പരാതിയില്‍ വ്യക്തമാക്കുന്നു.