വിമത പ്രവര്‍ത്തനം;ഡി വൈ എഫ് ഐ മുന്‍ ഭാരവാഹികളെ പുറത്താക്കി

പാലക്കാട് | സി പി എമ്മില്‍ വിമതര്‍ രംഗത്തുവന്ന പാലക്കാട് കൊഴിഞ്ഞാംപാറയില്‍ ഡി വൈ എഫ് ഐ മുന്‍ ഭാരവാഹികളെ പ്രാഥമികാംഗത്വത്തില്‍ നിന്ന് പുറത്താക്കി. വിമത നേതാക്കള്‍ക്കൊപ്പം ചേര്‍ന്നതിനാണ് നടപടി.

കൊഴിഞ്ഞാംപാറ ഡി വൈ എഫ് ഐ മേഖല പ്രസിഡന്റും സെക്രട്ടറിയുമായിരുന്ന സദ്ദാം ഹുസൈന്‍, മനോജ് കുമാര്‍ എന്നിവരെയാണ് പുറത്താക്കിയത്. ചിറ്റൂര്‍ ബ്ലോക്ക് കമ്മിറ്റിയുടെ നടപടിക്ക് ജില്ലാ കമ്മറ്റി അംഗീകാരം നല്‍കി.

പ്രസിഡന്റും സെക്രട്ടറിയും വിമതര്‍ക്കൊപ്പം ചേര്‍ന്നതോടെ പുതിയ ഭാരവാഹികളെ കണ്‍വെന്‍ഷന്‍ വിളിച്ച് ഡി വൈ എഫ് ഐ തെരഞ്ഞെടുത്തിരുന്നു. പുതിയ സെക്രട്ടറിയായി മുഹമ്മദ് അസാറുദ്ദീനെയും പ്രസിഡന്റായി ദിലീപിനെയുമായിരുന്നു തെരഞ്ഞെടുത്തത്.