കെ പി സി സിയുടെ കത്ത് കിട്ടി; ഫൗണ്ടേഷന്‍ പരിപാടിയില്‍ പാര്‍ട്ടി വിരുദ്ധത എന്താണെന്ന് മനസ്സിലാകുന്നില്ല: ആര്യാടന്‍ ഷൗക്കത്ത്

മലപ്പുറം | ഫലസ്തീന്‍ ഐക്യദാര്‍ഢ്യ റാലി സംഘടിപ്പിക്കുന്നതില്‍ ആര്യാടന്‍ ഫൗണ്ടേഷനെ വിലക്കിക്കൊണ്ടുള്ള കെ പി സി സിയുടെ കത്ത് കിട്ടിയെന്ന് കോണ്‍ഗ്രസ് നേതാവ് ആര്യാടന്‍ ഷൗക്കത്ത്. കത്തിനുള്ള മറുപടി നേതൃത്വത്തിനു നല്‍കും. പരിപാടി നടത്തുന്നതില്‍ പാര്‍ട്ടി വിരുദ്ധത എന്താണെന്ന് മനസ്സിലാകുന്നില്ലെന്ന് അദ്ദേഹം പറഞ്ഞു.

പരിപാടിയെ കുറിച്ച് തെറ്റിദ്ധാരണ പരത്തുകയാണ്. എന്തിന് വേണ്ടിയാണ് തെറ്റിദ്ധാരണ പരത്തുന്നതെന്ന് ചോദിച്ച ഷൗക്കത്ത് ഇത് ഫലസ്തീന് വേണ്ടി മാത്രം ഉള്ള പരിപാടിയാണെന്ന് വ്യക്തമാക്കി.

കെ പി സി സി വിലക്ക് ലംഘിച്ച് ആര്യാടന്‍ ഫൗണ്ടേഷന്‍ ഇന്ന് മലപ്പുറത്ത് റാലി നടത്തി. കെപിസിസിയുടെ മുന്നറിയിപ്പ് കണക്കിലെടുത്ത് കോണ്‍ഗ്രസിലെ ചില നേതാക്കള്‍ പിന്മാറിയെങ്കിലും സാമുദായിക നേതാക്കള്‍ ഉള്‍പ്പെടെ പങ്കെടുത്തു.