യു എ ഇ വിമാനത്താവളങ്ങളില്‍ ഈ വര്‍ഷം റെക്കോര്‍ഡ് യാത്രക്കാര്‍

അബൂദബി| യു എ ഇ വിമാനത്താവളങ്ങള്‍ ഈ വര്‍ഷം ആദ്യ ഒമ്പത് മാസങ്ങളില്‍ യാത്രക്കാരുടെയും ഫ്‌ലൈറ്റുകളുടെയും എണ്ണത്തില്‍ റെക്കോര്‍ഡ് പ്രകടന ഫലങ്ങള്‍ കൈവരിച്ചു. അബൂദബി എയര്‍പോര്‍ട്ട്, ദുബൈ ഇന്റര്‍നാഷണല്‍ എയര്‍പോര്‍ട്ട്, ഷാര്‍ജ ഇന്റര്‍നാഷണല്‍ എയര്‍പോര്‍ട്ട് എന്നിവിടങ്ങളില്‍ സെപ്തംബര്‍ അവസാനം വരെ 103 ദശലക്ഷത്തിലധികം പേര്‍ യാത്ര ചെയ്തു. അതേസമയം ഈ വര്‍ഷം രാജ്യത്തെ വിമാനത്താവളങ്ങളിലെ യാത്രക്കാരുടെ എണ്ണം 150 ദശലക്ഷത്തിലെത്തുമെന്ന് പ്രതീക്ഷിക്കുന്നുവെന്ന് ജനറല്‍ സിവില്‍ ഏവിയേഷന്‍ അതോറിറ്റി വ്യക്തമാക്കുന്നു.

അബൂദബി എയര്‍പോര്‍ട്ടില്‍ 21.7 ദശലക്ഷം യാത്രക്കാര്‍ വര്‍ധിച്ച് കഴിഞ്ഞ വര്‍ഷത്തെ ഇതേ കാലയളവിനെ അപേക്ഷിച്ച് 31.2 ശതമാനം വര്‍ധന നേടി. ദുബൈ അന്താരാഷ്ട്ര വിമാനത്താവളത്തിന് 68.6 ദശലക്ഷം യാത്രക്കാരെ ലഭിച്ചു. 6.3 ശതമാനം വര്‍ധനയാണിത്. ഷാര്‍ജ ഇന്റര്‍നാഷണല്‍ എയര്‍പോര്‍ട്ട് അതിന്റെ എല്ലാ പ്രവര്‍ത്തനങ്ങളിലും ഗണ്യമായ വളര്‍ച്ച കൈവരിച്ചു. ഈ കാലയളവില്‍ വിമാനത്താവളത്തിലൂടെയുള്ള മൊത്തം യാത്രക്കാരുടെ എണ്ണം 4.392 ദശലക്ഷമായി വലിയ വര്‍ധന കാഴ്ചവെച്ചു.