റാക് ഇക്കോണമി വിശിഷ്ട ജീവനക്കാരെ ആദരിച്ചു

റാസ് അൽ ഖൈമ | സാമ്പത്തിക വികസന വകുപ്പ് മേധാവി ശൈഖ് മുഹമ്മദ് ബിൻ കായിദ് അൽ ഖാസിമി ഡിപ്പാർട്ട്‌മെന്റ് കഴിഞ്ഞ വർഷം മികച്ച സേവനം നടത്തിയ 93 ജീവനക്കാരെ ആദരിച്ചു. ഡയറക്ടർ ജനറൽ ഡോ. അബ്ദുർറഹ്മാൻ അൽ ശൈഖ് അൽ നഖ്ബി, മാനേജർമാർ, ഡിപ്പാർട്ട്‌മെന്റിലെ പ്രമുഖർ സംബന്ധിച്ചു.

2021-ന്റെ രണ്ടാം പകുതിയിലെ വിവിധ വിഭാഗങ്ങളിലെ ഇന്റേണൽ എക്‌സലൻസ് പ്രകാരമാണ്  93 ജീവനക്കാരെ ആദരിച്ചത്. ഫീൽഡ് നിരീക്ഷകർ, മികച്ച നിർദേശങ്ങൾ നൽകിയവർ, ക്രിയേറ്റീവ് ആശയങ്ങളുള്ളവർ, കമ്മ്യൂണിറ്റി സേവനത്തിൽ പങ്കെടുത്തവർ, 10, 15 വർഷങ്ങളിൽ കൂടുതൽ സേവനമനുഷ്ഠിച്ചവർ തുടങ്ങിയവർ ആദരിച്ചവരിൽ ഉൾപ്പെടുന്നു.

റാസൽഖൈമ ഗവൺമെന്റിന്റെ ലക്‌ഷ്യം നേടിയെടുക്കുന്നതിൽ വ്യതിരിക്തത പുലർത്തുകയും അതിന്റെ പ്രശസ്തി ദൃഢമാക്കുന്നതിൽ വലിയ ശ്രമങ്ങൾ നടത്തുകയും ചെയ്ത ജീവനക്കാരെ ആദരിക്കുന്നതിൽ സന്തോഷമുണ്ടെന്ന് അധികൃതർ വ്യക്തമാക്കി.