Kozhikode
റൊന്റിവ്യൂ'25; മര്‍കസ് ഗാര്‍ഡന്‍ യൂണിറ്റ് മത്സരങ്ങള്‍ക്ക് ഉജ്ജ്വല സമാപനം
കലയും സാഹിത്യവും മാനവകുലത്തെ സംസ്‌കരിക്കും: കവി ദിനേശ് പൂനൂര്‍.
മര്‍കസ് ഗാര്‍ഡന്‍ യൂണിറ്റ് റൊന്റിവ്യൂ കവി ദിനേശ് പൂനൂര്‍ ഉദ്ഘാടനം ചെയ്യുന്നു.
പൂനൂര്‍ | കലയും സാഹിത്യവും മാനവകുലത്തെ സംസ്‌കരിക്കുമെന്ന് കവി ദിനേശ് പൂനൂര്‍ അഭിപ്രായപ്പെട്ടു. ജാമിഅ മദീനതുന്നൂര്‍ ലൈഫ് ഫെസ്റ്റിവല്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഒരു കലാകാരന് ഒരിക്കലും കലാപകാരിയാവാന്‍ കഴിയില്ലെന്നും യുവതലമുറയുടെ നന്മക്ക് കലാത്മക ചിന്ത അത്യാവശ്യമാണെന്നും അദ്ദേഹം പറഞ്ഞു.
‘ലിബറേറ്റീവ് സബ്മിഷന്‍സ്’ എന്ന പ്രമേയത്തെ ആകര്‍ഷണീയമായി ആവിഷ്‌കരിച്ച പ്രധാന വേദി ശ്രദ്ധേയമായി. ജൂനിയര്‍, സീനിയര്‍ വിഭാഗങ്ങളിലായി ഇരുന്നൂറോളം വിദ്യാര്‍ഥികളാണ് മത്സരിച്ചത്. 822 പോയിന്റുകള്‍ നേടിയ സരയാവോ സോവറിന്‍സ് ഒന്നാം സ്ഥാനവും 798, 790 പോയിന്റുകള്‍ നേടിയ സാന്‍സിബാര്‍ മറൈനേസ്, മറാക്കിഷ് മിസ്റ്റിക്‌സ് ടീമുകള്‍ യഥാക്രമം രണ്ട്, മൂന്ന് സ്ഥാനങ്ങളും കരസ്ഥമാക്കി. സീനിയര്‍ വിഭാഗത്തില്‍ ബുജൈര്‍ ഷാഫിയും ജൂനിയര്‍ വിഭാഗത്തില്‍ സിനാന്‍ നൗഷാദും വ്യക്തിഗത ചാമ്പ്യന്മാരായി.
പ്രോഗ്രാം ഉദ്ഘാടന ചടങ്ങില്‍ ഉസ്താദ് അബൂബക്കര്‍ നൂറാനി പ്രാര്‍ഥന നടത്തി. ജാമിഅ മദീനതുന്നൂര്‍ പ്രോ-റെക്ടര്‍ ആസഫ് നൂറാനി വരപ്പാറ അധ്യക്ഷത വഹിച്ചു. ഇംതിയാസ് നൂറാനി പ്രമേയാവതരണം നടത്തി. വിജയികള്‍ നാളെ നടക്കുന്ന ജാമിഅതുല്‍ ഹിന്ദ് മഹര്‍ജാനിലും ജനുവരി ആദ്യവാരം നടക്കുന്ന മദീനതുന്നൂര്‍ ഹോം റൊന്റിവ്യൂയിലും മത്സരിക്കും.
Latest
പശു മാതാവും കാള പിതാവും; കാളയെ വാഹനത്തില്‍ കൊണ്ടുപോയ ഡ്രൈവര്‍ക്ക് ഹിന്ദുത്വവാദികളുടെ ക്രൂര മര്‍ദ്ദനം
കുറ്റിച്ചിറ പള്ളിയുടെ വഖ്ഫ് ഭൂമി കൈയേറിയെന്ന്
കോഴിക്കോട്ട് തെരുവുനായയുടെ വിളയാട്ടം; പത്തിലേറെ പേരെ ഓടിച്ചിട്ട് കടിച്ചു
ജയിലറെ പെണ്‍കുട്ടി നടുറോഡില്‍ ചെരുപ്പൂരി തല്ലി
കൊല്ലത്ത് കുടിവെള്ളം ശേഖരിക്കാന്‍ പോയ സ്ത്രീ വള്ളം മറിഞ്ഞ് മരിച്ചു
പ്രധാനമന്ത്രി നരേന്ദ്ര മോദി കുവൈത്ത് അമീറുമായി കൂടിക്കാഴ്ച നടത്തി
