Organisation
ആര്‍ എസ് സി സഊദി ഈസ്റ്റ് നാഷനല്‍ യൂത്ത് കണ്‍വീനിന് പ്രൗഢ സമാപ്തി
കണ്‍വീനിന്റെ ഭാഗമായി നടന്ന 'യു ആര്‍ യുനീക്ക്' എന്ന വിഷയാവതരണം ശ്രദ്ധേയമായി.
റിയാദ് | രിസാല സ്റ്റഡി സര്‍ക്കിള്‍ ‘താളം തെറ്റില്ല’ എന്ന പ്രമേയത്തില്‍ കഴിഞ്ഞ രണ്ടു മാസക്കാലമായി നടത്തിവരുന്ന അംഗത്വ കാലത്തിനു സമാപ്തി കുറിച്ച് സഊദി ഈസ്റ്റ് നാഷനല്‍ തല യൂത്ത് കണ്‍വീന്‍ സമാപിച്ചു. നാഷനല്‍ ചെയര്‍മാന്‍ ഇബ്രാഹീം അംജദിയുടെ അധ്യക്ഷതയില്‍ റിയാദിലെ ഗ്രേറ്റ് ഇന്റര്‍നാഷണല്‍ സ്‌കൂളിലാണ് നാഷനല്‍ യൂത്ത് കണ്‍വീന്‍ സംഘടിപ്പിച്ചത്.
കണ്‍വീനിന്റെ ഭാഗമായി നടന്ന ‘യു ആര്‍ യുനീക്ക്’ എന്ന വിഷയാവതരണം ശ്രദ്ധേയമായി. നമ്മുടെ കഴിവുകള്‍ നാം തിരിച്ചറിയുകയും അത് സമൂഹത്തിനു കൂടി ഉപകരിക്കും വിധം ഉപയോഗപ്പെടുത്തുകയും വേണമെന്ന് ആര്‍ എസ് സി ഗ്ലോബല്‍ ജി ഡി ഫൈസല്‍ ബുഖാരിയുടെ വിഷയാവതരണത്തിലൂടെ കണ്‍വീന്‍ ആവശ്യപ്പെട്ടു. അമീന്‍ ഓച്ചിറ, നൗഫല്‍ പട്ടാമ്പി, ഫാറൂഖ് സഖാഫി എന്നിവര്‍ റിപോര്‍ട്ട് അവതരണങ്ങള്‍ക്ക് നേതൃത്വം നല്‍കി. വിവിധ സെഷനുകളില്‍ ആര്‍ എസ് സി ഗ്ലോബല്‍ നേതാക്കളായ ഫൈസല്‍ ബുഖാരി, കബീര്‍ ചേളാരി, സലീം പട്ടുവം, ഷെഫീഖ് ജൗഹരി, ബഷീര്‍ ബുഖാരി, ഉബൈദ് സഖാഫി നേതൃത്വം നല്‍കി.
രിസാല സ്റ്റഡി സര്‍ക്കിള്‍ സഊദി ഈസ്റ്റ് നാഷനല്‍ പുതിയ ഭാരവാഹികളെ (2025- 2026) ഗ്ലോബല്‍ എക്‌സിക്യൂട്ടിവ് അംഗം നൗഫല്‍ എറണാകുളം പ്രഖ്യാപിച്ചു. ഐ സി എഫ് റിയാദ് സെന്‍ട്രല്‍ ചെയര്‍മാന്‍ മുഹമ്മദ് കുട്ടി സഖാഫി ഒളമതില്‍ നിയുക്ത ഭാരവാഹികള്‍ക്ക് ആശംസകള്‍ നേര്‍ന്ന് പ്രസംഗിച്ചു. സഊദി അറേബ്യയില്‍ രിസാല സ്റ്റഡി സര്‍ക്കിളിന് സഊദി നോര്‍ത്ത് നാഷനല്‍ എന്ന പുതിയൊരധ്യായം കൂടി പിറക്കാന്‍ പോകുന്ന വലിയൊരു സ്വപ്നം ഗ്ലോബല്‍ ജി ഡി കബീര്‍ ചേളാരി യൂത്ത് കണ്‍വീനില്‍ പ്രഖ്യാപിച്ചു.
ആര്‍ എസ് സി സഊദി ഈസ്റ്റ് നാഷനല്‍ ഭാരവാഹികളായി ഹാഫിസ് ഉമര്‍ ഫാറൂഖ് സഖാഫി കരീറ്റിപ്പറമ്പ (ചെയര്‍മാന്‍), അനസ് വിളയൂര്‍ (ജനറല്‍ സെക്രട്ടറി), നവാസ് അല്‍ ഹസനി മണ്ണാര്‍ക്കാട് (എക്‌സിക്യൂട്ടീവ് സെക്രട്ടറി), സൈനുല്‍ ആബിദ് നീലഗിരി, ഇബ്‌റാഹീം ഹിമമി കാസര്‍കോട് (സംഘടനാ സെക്രട്ടറിമാര്‍), ഫസല്‍ പത്തനാപുരം, അബ്ദുല്‍ ഹക്കിം എ ആര്‍ നഗര്‍ (ഫിനാന്‍സ് സെക്രട്ടറിമാര്‍), മുഹമ്മദ് അന്‍വര്‍, അബ്ദുല്‍ റഷീദ് വാടാനപ്പള്ളി (കലാലയം സെക്രട്ടറിമാര്‍), കെ ടി സുഹൈല്‍ വേങ്ങര, നൗഫല്‍ അഹ്സനി വൈറ്റില (വിസ്ഡം സെക്രട്ടറിമാര്‍), മുഹമ്മദ് റോഷിന്‍ മാന്നാര്‍, സജീദ് മാട്ട മുക്കം (മീഡിയ സെക്രട്ടറിമാര്‍) എന്നിവരെ തിരഞ്ഞെടുത്തു. നൂറുദ്ധീന്‍ കുറ്റ്യാടി സ്വാഗതവും അനസ് വിളയൂര്‍ നന്ദിയും പറഞ്ഞു.
Latest
ചിനക്കത്തൂര്‍ പൂരം; വെടിക്കെട്ടിന് അനുമതിയില്ല
ഓസിസിനെ വീഴ്ത്തി; ഇന്ത്യ ചാമ്പ്യന്‍സ് ട്രോഫി ഫൈനലില്‍
രഞ്ജി ട്രോഫി; കേരള ടീമിന് നാലര കോടി രൂപ പാരിതോഷികം പ്രഖ്യാപിച്ച് കെ സിഎ
സിങ്കപ്പൂരില്‍ ജോലിക്ക് വിസ വാഗ്ദാനം ചെയ്ത് ഉദ്യോഗാര്‍ഥികളില്‍ നിന്നും പണം തട്ടിയ പ്രതി പിടിയില്‍
ബാറില്‍ പ്രശ്‌നമുണ്ടാക്കിയത് ചോദ്യം ചെയ്ത ജീവനക്കാരന് മര്‍ദ്ദനം;സഹോദരങ്ങളായ പ്രതികള്‍ അറസ്റ്റില്‍
കോഴിക്കോട് 89 ഗ്രാം എംഡിഎംഎയുമായി യുവാവ് പിടിയില്‍
