Kerala
ആര്‍ എസ് എസ് നേതാവ് അശ്വിനി കുമാര്‍ വധം; 13 പ്രതികളെ വെറുതെ വിട്ടു
2005 മാര്‍ച്ച് പത്തിന് പേരാവൂരിലേക്കുള്ള ബസ് യാത്രയ്ക്കിടെ ഇരിട്ടി പയഞ്ചേരി മുക്കില്‍ അശ്വിനി കുമാറിനെ വെട്ടിക്കൊല്ലുകയായിരുന്നു
കണ്ണൂര്‍ | കണ്ണൂരിലെ ആര്‍ എസ് എസ് നേതാവായിരുന്ന അശ്വിനി കുമാറിനെ വെട്ടിക്കൊലപ്പെടുത്തിയ കേസില്‍ 13 പ്രതികളെ തലശ്ശേരി അഡീഷണല്‍ സെഷന്‍സ് കോടതി വെറുതെ വിട്ടു. മൂന്നാം പ്രതി മര്‍സൂഖ് കുറ്റക്കാരനാണെന്നു കണ്ടെത്തി. ഇയാള്‍ക്കുള്ള ശിക്ഷ 14 നു വിധിക്കും. ഇയാള്‍ ചാവശ്ശേരി സ്വദേശിയാണ്.
2005 മാര്‍ച്ച് പത്തിന് പേരാവൂരിലേക്കുള്ള ബസ് യാത്രയ്ക്കിടെ ഇരിട്ടി പയഞ്ചേരി മുക്കില്‍ അശ്വിനി കുമാറിനെ വെട്ടിക്കൊല്ലുകയായിരുന്നു. എന്‍ ഡി എഫ് പ്രവര്‍ത്തകരായ 14 പേരായിരുന്നു പ്രതികള്‍. കൊലപാതകത്തെ തുടര്‍ന്ന് കണ്ണൂര്‍ ജില്ലയിലാകെ വ്യാപക അക്രമങ്ങളുണ്ടായിരുന്നു.
ക്രൈം ബ്രാഞ്ചാണ് കേസ് അന്വേഷിച്ചത്. ഒന്നാം പ്രതി അസീസിനെ നാറാത്ത് ആയുധ പരിശീലന കേസില്‍ ശിക്ഷിച്ചിരുന്നു.
പിണറായി സര്‍ക്കാര്‍ പോപ്പുലര്‍ ഫ്രണ്ടുമായി ഒത്തുകളിച്ചതാണ് ഇങ്ങനെയൊരു വിധി വരാന്‍ കാരണമെന്ന് ബി ജെ പി സംസ്ഥാന പ്രസിഡന്റ് കെ സുരേന്ദ്രന്‍ പ്രതികരിച്ചു. പ്രോസിക്യൂഷന്‍ പ്രതികളുമായി ഒത്തുകളിച്ചു. പ്രോസിക്യൂഷന്റെ കുറ്റകരമായ ഒത്തുകളിയാണ് പ്രതികളെ വെറുതെ വിടാന്‍ കാരണം. പോപ്പുലര്‍ ഫ്രണ്ടുമായി ചേര്‍ന്ന് വോട്ട് ബാങ്ക് രാഷ്ട്രീയം കളിക്കുന്ന സി പി എം അശ്വനികുമാറിന്റെ വധത്തില്‍ നീതി ലഭിക്കാന്‍ ഒന്നും ചെയ്തില്ല. അശ്വിനിയുടെ മാതാവ് കേസ് എന്‍ ഐ ക്ക് വിടണമെന്ന് ആവശ്യപ്പെട്ടപ്പോള്‍ സംസ്ഥാന സര്‍ക്കാര്‍ തടഞ്ഞു. ആഭ്യന്തര വകുപ്പിന്റെ തികഞ്ഞ പരാജയമാണ് വിധി കാണിക്കുന്നതെന്നും വിധി അങ്ങേയറ്റം നിരാശാ ജനകമാണെന്നും അദ്ദേഹം പറഞ്ഞു.
Latest
അനന്ത്നാഗ് ജില്ലയില്‍ ഏറ്റുമുട്ടല്‍; സുരക്ഷാസേന രണ്ട് ഭീകരരെ വധിച്ചു
സംസ്ഥാനത്ത് കനത്ത മഴക്ക് സാധ്യത; ഇന്ന് 11 ജില്ലകളില്‍ യെല്ലോ അലര്‍ട്ട്
പതാക ഉയർന്നു; ചതുർവർണ ശോഭയിൽ യു എ ഇ
കൊടകര കുഴല്‍പ്പണം; തിരൂര്‍ സതീഷിന് പിന്നില്‍ താനാണെന്ന് വാര്‍ത്തകള്‍ നിഷേധിച്ച് ശോഭ സുരേന്ദ്രന്‍
എന്തും വിളിച്ചു പറയുന്ന കേന്ദ്രമന്ത്രി സുരേഷ് ഗോപിയെ സംസ്ഥാന സ്‌കൂള്‍ കായിക മേളയിലേക്ക് ക്ഷണിക്കില്ല: മന്ത്രി വി ശിവന്‍കുട്ടി
കൊടകര കുഴല്‍പ്പണ കേസ്: ഒരു ചെറിയ കറ ഉണ്ടെന്നു തെളിഞ്ഞാല്‍ പൊതുപ്രവര്‍ത്തനം അവസാനിപ്പിക്കുമെന്ന് കെ സുരേന്ദ്രന്‍
