Kerala
മുണ്ടക്കൈ പുനര്‍നിര്‍മാണം: എസ് സുഹാസിന് പൂര്‍ണ ഉത്തരവാദിത്വം
ഉയര്‍ന്ന നഷ്ടപരിഹാരത്തുക ദുരന്തബാധിതരുടെ അവകാശമല്ലെന്ന് ഹൈക്കോടതി
തിരുവനന്തപുരം | തിഉരുള്‍ തകര്‍ത്ത മുണ്ടക്കൈ പുനര്‍നിര്‍മാണത്തിന് എസ് സുഹാസ് ഐ എ എസിനെ സ്‌പെഷ്യല്‍ ഓഫീസറായി നിയമിച്ച് സര്‍ക്കാര്‍ ഉത്തരവായി. പുനര്‍നിര്‍മാണത്തിന്റെ പൂര്‍ണ ഉത്തരവാദിത്വം എസ് സുഹാസിനായിരിക്കും.
അതേസമയം, ഉയര്‍ന്ന നഷ്ടപരിഹാരത്തുക ദുരന്തബാധിതരുടെ അവകാശമല്ലെന്ന് ഹൈക്കോടതി നിരീക്ഷിച്ചു. ദുരന്തബാധിതര്‍ക്ക് ഉയര്‍ന്ന നഷ്ടപരിഹാരം നല്‍കണമെന്ന് സര്‍ക്കാറിനോട് നിര്‍ദേശിക്കാനാകില്ല. മാനുഷിക പരിഗണനയിലാണ് സര്‍ക്കാര്‍ പുനരധിവാസം നടപ്പാക്കുന്നതെന്നും ഹൈക്കോടതി വ്യക്തമാക്കി.
വീടിന് പകരം ഉയര്‍ന്ന തുക നഷ്ടപരിഹാരം വേണമെന്ന പ്രദേശവാസിയുടെ ആവശ്യത്തിലാണ് ഹൈക്കോടതിയുടെ മറുപടി. എന്നാല്‍ 15 ലക്ഷം രൂപ നഷ്ടപരിഹാരം അപര്യാപ്തമാണെന്ന പരാതിയില്‍ നടപടിവേണമെന്ന് അമികസ് ക്യൂറി ഹൈക്കോടതിയെ അറിയിച്ചു. ടൗണ്‍ഷിപ് പദ്ധതിക്ക് പുറത്ത് വീട് വേണ്ടവര്‍ക്ക് 40 മുതല്‍ 50 ലക്ഷം വരെ നഷ്ടപരിഹാരം വേണമെന്ന ആവശ്യം പരിഗണിക്കണമെന്ന് അമികസ് ക്യൂറി കോടതിയെ അറിയിച്ചു.
Latest
ഭാരതപ്പുഴയില്‍ കുളിക്കാനിറങ്ങിയ നാലംഗ കുടുംബം ഒഴുക്കില്‍പ്പെട്ടു; ഒരു മരണം
ഗസ്സയില്‍ ആക്രമണം അതിരൂക്ഷം: വെടിനിര്‍ത്തലില്‍ നിന്ന് പിന്മാറാന്‍ തന്ത്രം മെനഞ്ഞ് ഇസ്‌റാഈല്‍
യുവതി വീട്ടിനുള്ളില്‍ മരിച്ച സംഭവം: ഒപ്പം താമസിച്ച തമിഴ്‌നാട് സ്വദേശി പിടിയില്‍
മാര്‍ച്ച് 31നകം ആര്‍ സി ബുക്ക് ഡിജിറ്റലാകും
മുണ്ടക്കൈ പുനര്‍നിര്‍മാണം: എസ് സുഹാസിന് പൂര്‍ണ ഉത്തരവാദിത്വം
റോഡ് കെട്ടിയടച്ചല്ല സമരം നടത്തേണ്ടതെന്ന് ജി സുധാകരന്‍
