സഅദിയ്യ 55-ാം വാര്‍ഷികത്തിന് 20ന് കൊടിയുയരും; സനദ് ദാന സമാപന സമ്മേളനം ഞായറാഴ്ച

ദേളി | കേരളത്തില്‍ സമന്വയ വിദ്യാഭ്യാസം എന്ന ആശയത്തിന് തുടക്കം കുറിച്ച ജാമിഅ സഅദിയ്യയുടെ 55-ാം വാര്‍ഷിക സനദ് ദാന സമ്മേളനം നവംബര്‍ 22, 23, 24 തീയതികളില്‍ ദേളി സഅദാബാദില്‍ നടക്കും. പരിപാടിയുടെ വിജയത്തിന് വിപുലമായ ഒരുക്കങ്ങളാണ് നടന്നു വരുന്നത്. സമ്മേളനത്തില്‍ 445 വിദ്യാര്‍ഥികള്‍ക്ക് സഅദി ബിരുദവും 44 പേര്‍ക്ക് അഫ്‌സല്‍ സഅദി ബിരുദവും ഖുര്‍ആന്‍ മനപ്പാഠമാക്കിയ 28 വിദ്യാര്‍ഥികള്‍ക്ക് ഹാഫിള് ബിരുദവും നല്‍കും.

സമ്മേളനത്തിന്റെ മുന്നോടിയായി നവംബര്‍ 20ന് തിരഞ്ഞെടുക്കപ്പെട്ട 165 എസ് വൈ എസ്, എസ് എസ് എഫ് മിസ്ബാഹുസ്സുആദ പ്രവര്‍ത്തകര്‍ അണി നിരക്കുന്ന ധ്വജയാനം (പതാക ജാഥ) നടക്കും. ഉച്ചക്ക് രണ്ടിന് തളങ്കര മാലിക് ദീനാര്‍ മഖ്ബറ സിയാറത്ത് ആരംഭിക്കും. സയ്യിദ് പി എസ് ആറ്റക്കോയ തങ്ങള്‍ ബാഹസന്‍ പഞ്ചിക്കല്‍ നേതൃത്വം നല്‍കും. തുടര്‍ന്ന് നടക്കുന്ന ധ്വജയാനത്തില്‍ ജാഥാ നായകന്‍ എസ് വൈ എസ് ജില്ലാ പ്രസിഡന്റ് കാട്ടിപ്പാറ അബ്ദുല്‍ ഖാദിര്‍ സഖാഫിക്ക് സഅദിയ്യ ട്രഷറര്‍ കല്ലട്ര മാഹിന്‍ ഹാജി പതാക കൈമാറും. വൈകീട്ട് അഞ്ചിന് സമ്മേളന നഗരിയില്‍ സ്വാഗതസംഘം ചെയര്‍മാന്‍ സയ്യിദ് ഹസനുല്‍ അഹ്ദല്‍ തങ്ങള്‍ പതാക ഉയര്‍ത്തും.

21ന് രാവിലെ 10ന് എന്‍ ആര്‍ ഐ ഫാംകോണ്‍ (പ്രവാസി കുടുംബ സംഗമം) സയ്യിദ് കെ എസ് ആറ്റക്കോയ തങ്ങള്‍ കുമ്പോല്‍ ഉദ്ഘാടനം ചെയ്യും. എ പി അബ്ദുല്ല മുസ്‌ലിയാര്‍ മാണിക്കോത്ത് അധ്യക്ഷത വഹിക്കും. മുസ്തഫ ദാരിമി കടാങ്കോട് ആമുഖ പ്രഭാഷണം നടത്തും. കൂറ്റമ്പാറ അബ്ദുല്‍ റഹ്മാന്‍ ദാരിമി, കെ കെ എം സഅദി, അഹ്മദ് ശിറിന്‍ ഉദുമ വിഷയാവതരണം നടത്തും. അബ്ദുല്‍ ഗഫാര്‍ സഅദി രണ്ടത്താണി കീനോട്ട് അവതരിപ്പിക്കും. വിവിധ പ്രവാസി സാരഥികള്‍ സംവദിക്കും. 12 മണിക്ക് വേദി രണ്ടില്‍ നടക്കുന്ന സ്‌നേഹസംഗമം ഹാജി അബ്ദുല്ല ഹുസൈന്‍ കടവത്തിന്റെ അധ്യക്ഷതയില്‍ കാസര്‍കോട് മുന്‍സിപ്പല്‍ ചെയര്‍മാന്‍ അബ്ബാസ് ബീഗം ഉദ്ഘാടനം ചെയ്യും.

നവംബര്‍ 22ന് രാവിലെ ഒമ്പതിന് നടക്കുന്ന എട്ടിക്കുളം താജുല്‍ ഉലമ സയ്യിദ് അബ്ദുല്‍ റഹ്മാന്‍ അല്‍ ബുഖാരി മഖ്ബറ സിയാറത്തിന് സയ്യിദ് ത്വയ്യിബുല്‍ ബുഖാരി തൃക്കരിപ്പൂര്‍ നേതൃത്വം നല്‍കും. ഉച്ചക്ക് രണ്ടിന് കീഴൂര്‍ സഈദ് മുസ്‌ലിയാര്‍ മഖ്ബറ സിയാറത്ത് സയ്യിദ് മദനി തങ്ങള്‍ മൊഗ്രാലും കെ വി മൊയ്തീന്‍ കുഞ്ഞി മുസ്‌ലിയാര്‍, ഖതീബ് അബ്ദുല്‍ ഖാദിര്‍ മുസ്‌ലിയാര്‍ മഖബറ സിയാറത്തിന് സയ്യിദ് മുഹമ്മദ് അഷ്‌റഫ് തങ്ങള്‍ ആദുരും നേതൃത്വം നല്‍കും. വൈകിട്ട് മൂന്നിന് എക്‌സ്‌പോ ഉദ്ഘാടനം രാജ്‌മോഹന്‍ ഉണ്ണിത്താന്‍ എം പിയും 3.30ന് ബുക്ഫയര്‍ ബേക്കല്‍ ഡി വൈ എസ് പി. ബി ബി മനോജും നിര്‍വഹിക്കും.

നാലു മണിക്ക് നൂറുല്‍ ഉലമ എം എ അബ്ദുല്‍ ഖാദിര്‍ മുസ്‌ലിയാര്‍, കല്ലട്ര അബ്ദുല്‍ ഖാദിര്‍ ഹാജി സിയാറത്തിന് സയ്യിദ് ഇബ്രാഹിം പൂക്കുഞ്ഞി തങ്ങള്‍ കല്ലക്കട്ട നേതൃത്വം നല്‍കും. 4.30ന് ഉദ്ഘാടന സമ്മേളനം ആരംഭിക്കും. സീനിയര്‍ വൈസ് പ്രസിഡന്റ് പട്ടുവം കെ പി അബൂബക്കര്‍ മുസ്‌ലിയാരുടെ അധ്യക്ഷതയില്‍ കര്‍ണാടക സ്പീക്കര്‍ യു ടി ഖാദിര്‍ ഉദ്ഘാടനം ചെയ്യും. വിദ്യാഭ്യാസ സാമൂഹിക പ്രവര്‍ത്തനങ്ങളില്‍ സ്തുത്യര്‍ഹ സേവനങ്ങള്‍ അര്‍പ്പിച്ച എന്‍ എ അബൂബക്കര്‍ ഹാജിക്ക് സഅദിയ്യയുടെ ആദരവ് പ്രസിഡന്റ് സയ്യിദ് കെ എസ് ആറ്റക്കോയ തങ്ങള്‍ കുമ്പോല്‍ സമര്‍പ്പിക്കും. അഡ്വ. സി എച്ച് കുഞ്ഞമ്പു എം എല്‍ എ, എന്‍ എ നെല്ലിക്കുന്ന് എം എല്‍ എ, എ കെ എം അഷ്‌റഫ് എം എല്‍ എ, ഇ ചന്ദ്രശേഖരന്‍ എം എല്‍ എ, രാജഗോപാല്‍ എം എല്‍ എ, ജില്ലാ പഞ്ചായത്ത് വൈസ് പ്രസിഡന്റ് പാദൂര്‍ ഷാനവാസ്, കേരള മൈനോറിറ്റി കമ്മീഷന്‍ അംഗം എ സൈഫുദ്ദീന്‍ ഹാജി തിരുവനന്തപുരം തുടങ്ങിയവര്‍ മുഖ്യാതിഥികളാകും. ഡോ. എന്‍ എ മുഹമ്മദ്, കല്ലട്ര മാഹിന്‍ ഹാജി, ഖാദര്‍ തെരുവത്ത്, ശാഹുല്‍ ഹമീദ് ഹാജി വിദ്യാനഗര്‍, ലത്വീഫ് ഹാജി ഉപ്പള വിവിധ പ്രകാശനങ്ങള്‍ നിര്‍വഹിക്കും.

വൈകീട്ട് 6.30 ന് ആത്മീയ സമ്മേളനം ആരംഭിക്കും. ശൈഖ് ഉമര്‍ അബൂബക്കര്‍ സാലിം പ്രാര്‍ഥന നടത്തും. സയ്യിദ് കെ എസ് ആറ്റക്കോയ തങ്ങള്‍ കുമ്പോല്‍, സയ്യിദ് കെ എസ് ജാഫര്‍ സ്വാദിഖ് തങ്ങള്‍ കുമ്പോല്‍, സയ്യിദ് സൈനുല്‍ ആബിദീന്‍ അല്‍ അഹ്ദല്‍ കണ്ണവം, ഖാസി പി മുഹമ്മദ് സ്വാലിഹ് സഅദി തുടങ്ങിയവര്‍ നേതൃത്വം നല്‍കും. സയ്യിദ് അന്‍വര്‍ സാദാത്ത് സഅദി തൃശൂര്‍ ഉത്‌ബോധനം നടത്തും. 23ന് രാവിലെ 10ന് മുശാറഖ (മുഅല്ലിം മാനേജ്‌മെന്റ് സമ്മേളനം) നടക്കും. സയ്യിദ് ശറഫുദ്ദീന്‍ ജമലുല്ലെലിയുടെ പ്രാര്‍ഥനയോടെ ബി എസ് അബ്ദുല്ലകുഞ്ഞി ഫൈസിയുടെ അധ്യക്ഷതയില്‍ പ്രൊഫ. എ കെ അബ്ദുല്‍ ഹമീദ് ഉദ്ഘാടനം ചെയ്യും. വണ്ടൂര്‍ അബ്ദുല്‍ റഹ്മാന്‍ ഫൈസി, ഡോ. അബ്ദുല്‍ അസീസ് ഫൈസി ചെറുവാടി, സി പി സൈദലവി ചെങ്ങര, മജീദ് കക്കാട് വിഷയാവതരണം നടത്തും. ഉച്ചക്ക് രണ്ടിന് നടക്കുന്ന ഓപ്പണ്‍ ഡിബേറ്റ് സയ്യിദ് മുനീറുല്‍ അഹ്ദല്‍ തങ്ങളുടെ പ്രാര്‍ഥനയോടെ ആരംഭിക്കും. മുഹ്‌യിദ്ദീന്‍ സഅദി കൊട്ടുക്കര, ഇബ്രാഹിം സഖാഫി പുഴക്കാട്ടിരി, കെ വി ഫൈസല്‍ അഹ്‌സനി, അബ്ദുല്‍ ജലീല്‍ സഅദി രണ്ടത്താണി നേതൃത്വം നല്‍കും.

വൈകീട്ട് 6.30ന് നൂറുല്‍ ഉലമയുടെ ലോകം സെഷന്‍ ആരംഭിക്കും. സയ്യിദ് അബ്ദുല്‍റഹ്മാന്‍ ശഹീര്‍ അല്‍ബുഖാരി പ്രാര്‍ഥന നടത്തും. പ്രൊഫസര്‍ ഉബൈദുല്ലാഹി സഅദിയുടെ അധ്യക്ഷതയില്‍ എന്‍ അലി അബ്ദുല്ല ഉദ്ഘാടനം ചെയ്യും. പി എ കെ മുഴപ്പാല, അബ്ദുല്‍ മജീദ് അരിയല്ലൂര്‍, സി എന്‍ ജാഫര്‍ സ്വാദിഖ്, ഡോ. അബ്ദുല്‍ മജീദ് വിഷയാവതരണം നടത്തും. രാത്രി 8.30ന് നടക്കുന്ന നൂര്‍ ഇശല്‍ ബുര്‍ദ ആസ്വാദന സംഗമം സയ്യിദ് ജാഫര്‍ സ്വാദിഖ് തങ്ങള്‍ മാണിക്കോത്തിന്റെ അധ്യക്ഷതയില്‍ സയ്യിദ് മുഹമ്മദ് സുഹൈല്‍ അസ്സഖാഫ് മടക്കര ഉദ്ഘാടനം ചെയ്യും. മദനിയം അബ്ദുലത്വീഫ് സഖാഫി കാന്തപുരം ആമുഖ പ്രഭാഷണം നടത്തും. കെ പി അബ്ദുസ്സമദ് അമാനി പട്ടുവം, സയ്യിദ് അസ്ഹര്‍ അല്‍ബുഖാരി കുണിയ നേതൃത്വം നല്‍കും.

24ന് രാവിലെ എട്ടിന് നടക്കുന്ന തഅ്മീറെ മില്ലത്ത് കോണ്‍ഫറന്‍സ് സയ്യിദ് ആറ്റക്കോയ തങ്ങള്‍ ആദൂരിന്റെ പ്രാര്‍ഥനയോടെ ആരംഭിക്കും. പ്രൊഫസര്‍ മുഹമ്മദ് അഷ്ഫാഖ് മിസ്ബാഹിയുടെ അധ്യക്ഷതയില്‍ റിയാസ് സബ എം എല്‍ എ അനന്തനാഗ് ഉദ്ഘാടനം ചെയ്യും. ശാഫി സഅദി ബാംഗ്ലൂര്‍, മുഫ്തി മുഫീദ് സഅദി യു പി വിഷയാവതരണം നടത്തും. 10 മണിക്ക് നടക്കുന്ന സഅദി പണ്ഡിത സമ്മേളനം സയ്യിദ് ജലാലുദ്ദീന്‍ അല്‍ ബുഖാരിയുടെ അധ്യക്ഷതയില്‍ സയ്യിദ് കെ എസ് ആറ്റക്കോയ തങ്ങള്‍ കുമ്പോല്‍ ഉദ്ഘാടനം ചെയ്യും. കെ കെ ഹുസൈന്‍ ബാഖവി, അബ്ദുല്‍ ലത്വീഫ് സഅദി കൊട്ടില വിഷയാവതരണം നടത്തും. 10.30ന് നടക്കുന്ന അലുംനി മീറ്റ് സയ്യിദ് സൈനുല്‍ ആബിദീന്‍ അല്‍ അഹ്ദല്‍ കണ്ണവത്തിന്റെ അധ്യക്ഷതയില്‍ അഹ്മദ് കെ മാണിയൂര്‍ ഉദ്ഘാടനം ചെയ്യും. മര്‍സൂഖ് സഅദി പാപ്പിനിശ്ശേരി വിഷയാവതരണം നടത്തും. 11.30ന് ശരീഅത്ത് കോളജ് വിദ്യാര്‍ഥികളുടെ പാരന്റ്‌സ് മീറ്റ് നടക്കും. ഉച്ചക്ക് രണ്ടിന് നടക്കുന്ന എമിനന്‍സ് മീറ്റില്‍ സയ്യിദ് അഹ്മദ് മുഖ്താര്‍ തങ്ങള്‍ കുമ്പോല്‍ പ്രാര്‍ഥന നടത്തും. മുഹമ്മദലി സഖാഫി തൃക്കരിപ്പൂരിന്റെ അധ്യക്ഷതയില്‍ സി മുഹമ്മദ് ഫൈസി ഉദ്ഘാടനം ചെയ്യും. ഡോ. കെ കെ സാജു, ഡോ. പി മുഹമ്മദ് ശുകൂര്‍ തുടങ്ങിയവര്‍ സംബന്ധിക്കും. സയ്യിദ് ഹാമിദ് ഇമ്പിച്ചിക്കോയ തങ്ങള്‍ കൊയിലാണ്ടി സ്ഥാനവസ്ത്ര വിതരണം നടത്തും.

വൈകിട്ട് അഞ്ചിന് സനദ് ദാന സമാപന സമ്മേളനം നടക്കും. സയ്യിദ് അലി ബാഫഖി തങ്ങള്‍ പ്രാര്‍ഥന നടത്തും. പ്രസിഡന്റ് സയ്യിദ് കെ എസ് ആറ്റക്കോയ തങ്ങള്‍ കുമ്പോലിന്റെ അധ്യക്ഷതയില്‍ അറബ് ലീഗ് അംബാസഡര്‍ ഡോ. മാസിന്‍ നാഇഫ് അല്‍ മസ്ഊദി ഉദ്ഘാടനം ചെയ്യും. സമസ്ത പ്രസിഡന്റ് റഈസുല്‍ ഉലമ ഇ സുലൈമാന്‍ മുസ്‌ലിയാര്‍ സനദ് ദാനം നിര്‍വഹിക്കും. ഇന്ത്യന്‍ ഗ്രാന്റ് മുഫ്തി കാന്തപുരം എ പി അബൂബക്കര്‍ മുസ്‌ലിയാര്‍ മുഖ്യപ്രഭാഷണം നടത്തും. ശൈഖ് ഈസ അല്‍ ആമിരി ദുബൈ, ശൈഖ് ഹൈസം ദാദ് അല്‍ കരീം, ഹബീബ് സാലിം ഇബ്‌നു ഉമര്‍ ഹഫീള് യമന്‍ മുഖ്യാതിഥികളാകും. എ പി അബ്ദുല്ല മുസ്‌ലിയാര്‍ മാണിക്കോത്ത് സനദ്ദാന പ്രസംഗം നടത്തും. സയ്യിദ് ഇബ്രാഹിം ഖലീല്‍ അല്‍ബുഖാരി അനുഗ്രഹ പ്രഭാഷണവും പേരോട് അബ്ദുല്‍ റഹ്മാന്‍ സഖാഫി പ്രഭാഷണവും നടത്തും. പരിപാടിയില്‍ വ്യവസായ പ്രമുഖനും സുന്നി സ്ഥാപനങ്ങളുടെ സജീവ സഹകാരിയും ബനിയാസ് സ്‌പെയ്ക് ഗ്രൂപ്പ് ഫൗണ്ടര്‍ ചെയര്‍മാനുമായ സി പി അബ്ദുല്‍ റഹ്മാന്‍ ഹാജിയെ ആദരിക്കും. പൊ•ള അബ്ദുല്‍ ഖാദിര്‍ മുസ്‌ലിയാര്‍, കെ പി അബൂബക്കര്‍ മുസ്‌ലിയാര്‍ പട്ടുവം, കെ കെ അഹ്മദ് കുട്ടി മുസ്‌ലിയാര്‍, വി പി എം ഫൈസി വില്ല്യാപള്ളി, ഹസന്‍ മുസ്‌ലിയാര്‍ വയനാട്, അബ്ദുല്‍ ഹമീദ് മുസ്‌ലിയാര്‍ മാണി, എം വി അബ്ദുല്‍ റഹ്മാന്‍ ബാഖവി, കെ കെ ഹുസൈന്‍ ബാഖവി, സി പി ഉബൈദുല്ലാഹ് സഖാഫി പ്രസംഗിക്കും. യേനപ്പോയ അബ്ദുല്ല കുഞ്ഞി ഹാജി, എ പി അബ്ദുല്‍ കരീം ഹാജി ചാലിയം, യു ടി ഇഫ്തികാര്‍, ഹനീഫ് ഹാജി ഉള്ളാള്‍ സംബന്ധിക്കും. കെ പി ഹുസൈന്‍ സഅദി കെ സി റോഡ് സ്വാഗതവും പള്ളങ്കോട് അബ്ദുല്‍ ഖാദിര്‍ മദനി നന്ദിയും പറയും.

വാര്‍ത്താ സമ്മേളനത്തില്‍ മുഹമ്മദലി സഖാഫി തൃക്കരിപ്പൂര്‍, പള്ളങ്കോട് അബ്ദുല്‍ ഖാദിര്‍ മദനി, കൊല്ലമ്പാടി അബ്ദുല്‍ ഖാദിര്‍ സഅദി, സയ്യിദ് ജാഫര്‍ സ്വാദിഖ് തങ്ങള്‍ മാണിക്കോത്ത്, സുലൈമാന്‍ കരിവെള്ളൂര്‍, അബ്ദുല്‍ സലാം ദേളി, സി എല്‍ ഹമീദ് ചെമനാട് സംബന്ധിച്ചു.