maadin academy
സ്വലാത്ത് ആത്മീയ സംഗമവും പൊസോട്ട് തങ്ങള്‍ ആണ്ട് നേര്‍ച്ചയും സ്വലാത്ത് നഗറില്‍
വൈകുന്നേരം ആറിന് ആരംഭിക്കുന്ന പരിപാടി സമസ്ത ഉപാധ്യക്ഷന്‍ സയ്യിദ് അലി ബാഫഖി തങ്ങള്‍ ഉദ്ഘാടനം ചെയ്യും.
മലപ്പുറം | മഅദിന്‍ അക്കാദമിക്ക് കീഴില്‍ നാളെ (വ്യാഴം) സ്വലാത്ത് ആത്മീയ സമ്മേളനവും സമസ്ത കേന്ദ്ര മുശാവറ അംഗവും നിരവധി മഹല്ലുകളുടെ ഖാസിയുമായിരുന്ന സയ്യിദ് ഉമറുല്‍ ഫാറൂഖ് അല്‍ ബുഖാരി ആണ്ട് നേര്‍ച്ചയും സംഘടിപ്പിക്കും.
വൈകുന്നേരം ആറിന് ആരംഭിക്കുന്ന പരിപാടി സമസ്ത ഉപാധ്യക്ഷന്‍ സയ്യിദ് അലി ബാഫഖി തങ്ങള്‍ ഉദ്ഘാടനം ചെയ്യും. മഅദിന്‍ അക്കാദമി ചെയര്‍മാന്‍ സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി ആത്മീയ സംഗമത്തിന് നേതൃത്വം നല്‍കും. കാലവര്‍ഷം പരിഗണിച്ച് വിപുലമായ പന്തല്‍ സൗകര്യവും സ്ത്രീകള്‍ക്ക് പ്രത്യേക സജ്ജീകരണങ്ങളുമുണ്ടാകും.
അനുസ്മരണ പ്രഭാഷണം, വിര്‍ദുല്ലത്വീഫ്, ഹദ്ദാദ്, മുള്രിയ്യ, സ്വലാത്തുന്നാരിയ, തഹ്്ലീല്‍, പ്രാര്‍ത്ഥന എന്നിവ പരിപാടിയുടെ ഭാഗമായി നടക്കും. മുഹറം പത്തിനോടനുബന്ധിച്ച് മഅദിന്‍ അക്കാദമിക്ക് കീഴില്‍ നടക്കുന്ന വിവിധ പരിപാടികളുടെ പ്രഖ്യാപനവും ചടങ്ങില്‍ നടക്കും. പരിപാടിക്ക് എത്തിച്ചേരുന്ന വിശ്വാസികള്‍ക്ക് അന്നദാനം നടത്തും.
സയ്യിദ് ഇസ്മാഈല്‍ അല്‍ ബുഖാരി,സയ്യിദ് അബ്ദുല്ല ഹബീബുറഹ്മാന്‍ അല്‍ബുഖാരി, സയ്യിദ് ശിഹാബുദ്ദീന്‍ അല്‍ ബുഖാരി, സയ്യിദ് ശിഹാബുദ്ദീന്‍ അഹ്ദല്‍ മുത്തനൂര്‍, സയ്യിദ് ഹബീബ് തുറാബ് തങ്ങള്‍, സയ്യിദ് മുഹമ്മദ് ഫാറൂഖ് ജമലുല്ലൈലി, സയ്യിദ് സ്വാലിഹ് ഖാസിം ഐദ്രൂസി, സയ്യിദ് ശഫീഖ് അല്‍ ബുഖാരി, സയ്യിദ് അഹ്മദുല്‍ കബീര്‍ അല്‍ ബുഖാരി, സയ്യിദ് മിന്‍ഹാജ് ശിഹാബ് തങ്ങള്‍ പാണക്കാട്, ഇബ്റാഹീം ബാഖവി മേല്‍മുറി, അബ്ദുല്‍ ജലീല്‍ സഖാഫി കടലുണ്ടി, അബൂബക്കര്‍ സഖാഫി കുട്ടശ്ശേരി, അബൂശാക്കിര്‍ സുലൈമാന്‍ ഫൈസി കിഴിശ്ശേരി, മൂസ ഫൈസി ആമപ്പൊയില്‍ എന്നിവര്‍ സംബന്ധിക്കും.
Latest
വിനായകനെതിരെ ഹൈദരാബാദ് പോലീസ് കേസെടുത്തു
രാജ്യത്ത് ആദ്യമായി മിഷന്‍ സ്‌ട്രോക്ക് നടപ്പിലാക്കി കേരളം
വി ഡി സതീശന്റേത് ഉണ്ടയില്ലാ വെടി;മുഖ്യമന്ത്രിയുടെ ഓഫിസിന് എതിരേയുള്ള ആരോപണങ്ങള്‍ ഇല്ലാതാക്കാന്‍ ശ്രമം: കെ സുരേന്ദ്രന്‍
പൂരം കലക്കാന്‍ ആര്‍എസ്എസുമായി പ്രതിപക്ഷ നേതാവ് ഗൂഢാലോചന നടത്തി; ഉന്നത പോലീസ് ഉദ്യോഗസ്ഥരില്‍ പലരും കാമഭ്രാന്തന്‍മാര്‍: പി വി അന്‍വര്‍ എംഎല്‍എ
വിവാദങ്ങള്‍ക്ക് പിറകെ എഡിജിപി അജിത്കുമാര്‍ അവധിയിലേക്ക്
സി പി എം ജില്ലാ സെക്രട്ടറിയേറ്റ് യോഗത്തിനിടയിലെ കൈയ്യാങ്കളി; മുതിര്‍ന്ന നേതാക്കള്‍ക്കെതിരെ നടപടി
